பினாங்கு அரசு இந்திய சமூகத்திற்கு RM1.5m ஒதுக்குகிறது

மதம், கல்வி, சுகாதாரம் மற்றும் மேம்பாடு உள்ளிட்ட பல்வேறு திட்டங்களை செயல்படுத்த பினாங்கு அரசாங்கம் பினாங்கின் இந்து எண்டோவ்மென்ட் போர்டுக்கு (ஹெச்இபி)/Penang’s Hindu Endowment Board (HEB) RM1.5 மில்லியனை ஒதுக்கியுள்ளது.

இந்த ஒதுக்கீடு இந்து இடுகாடுகளை பராமரிப்பதற்கும் கொடுக்கப்பட்டுள்ளது என்று அமைச்சர் சோவ் கோன் யோவ் கூறினார்.

1906 ஆம் ஆண்டில் முன்னாள் பிரிட்டிஷ் காலனித்துவ அரசாங்கத்தின் கீழ் Straits Settlements of Penang, Malacca and Singapore-ரால் பினாங்கின் HEB துவங்கப்பட்டது. குறைந்த வருமானம் கொண்ட குடும்பங்களைச் சேர்ந்த மாணவர்களுக்கு அவர்களின் உயர் கல்வியை முடிக்க நிதி உதவி வழங்குவதற்காக இது நிறுவப்பட்டது, என்று சோ மேலும் கூறினார்.

“கடந்த ஆண்டு, பினாங்கு HEB 109 மாணவர்களுக்கு பொது மற்றும் தனியார் கல்வியகங்களில் உயர் கல்வியைத் தொடர சுமார் RM345,000-க்கும் அதிகமான பங்களிப்பை வழங்கியது. 80 சதவீத மாணவர்கள் திறன் மற்றும் தொழில்நுட்ப படிப்புகளைத் தொடர்ந்தனர்” என்று சோவ் தன் தைப்பூச திருநாள் அறிக்கையில் தெரிவித்தார்.

“பினாங்கு அரசாங்கம் தேசிய வகை தமிழ் பள்ளிகளுக்கான கல்வி நிதி ஒதுக்கீட்டை RM1.75 மில்லியனிலிருந்து RM2 மில்லியனாக உயர்த்தியுள்ளது” என்றும் அவர் கூறினார்.

“தமிழ் பள்ளிகளில் பாலர்பள்ளிகளுக்கு, RM100,000 ஒதுக்கீடுலிருந்து RM150,000 ஆக அதிகரிக்கப்பட்டுள்ளது.

“தமிழ் பள்ளிகளுக்கான சிறப்பு நிதி RM100,000 முதல் RM150,000 வரை ஒதுக்கீட்டில் அதிகரிப்பு பெற்றது, அதே நேரத்தில் பஞ்சாபி மொழி பள்ளிகளுக்கு RM60,000 இருந்து RM90,000 ஒதுக்கீடு அதிகரித்துள்ளது” என்று முதல்வர் மேலும் கூறினார்.

“தைப்பூச திருவிழாவிற்காக அருள்மிகு பாலதண்டயுதபனி தேவஸ்தானம் கோயில் அல்லது தண்ணீர் மலையடிவார கோயிலுக்கு RM200,000 பங்களிப்பை வழங்கியுள்ளோம்” என்று அவர் கூறினார்.

தமிழ் நாட்காட்டியின் 10-வது மாதமான தை மாதத்தில் இவ்வார இறுதியில் கொண்டாடப்படும் தைப்பூசத் திருவிழாவிற்கு, பினாங்கு, இரண்டு மில்லியன் பார்வையாளர்களை எதிர்பார்க்கிறது.

தைப்பூசம் திருவிழா தீமைக்கு எதிரான நன்மையின் வெற்றியை நினைவுகூரவும், ஆன்மீக விழிப்புணர்வு, ஞானம் மற்றும் அறிவைப் பெறுவதற்காகவும் கொண்டாடப்படுகிறது.

பினாங்கு நகரில் தைப்பூசம் மிக முக்கியமான பண்டிகைகளில் ஒன்றாகும், தண்ணீர் மலையடிவார முருகன் கோயில், ஜலான் கெபுன் பூங்கா என்று இது பல இடங்களில் பக்தர்களால் பிரமாண்டமாக கொண்டாடப்படுகிறது,

“இது ஒரு மத கொண்டாட்டம் மட்டுமல்ல, உள்ளூர் மற்றும் சர்வதேச சுற்றுலாப் பயணிகளுக்கு இந்த தனித்துவமான இந்து பாரம்பரிய விழாவை அனுபவிப்பதற்கான தளமாகவும் மாறியுள்ளது.” என்றார் பினாங்கு முதலமைச்சர்.