ரஜினி – பியர் கிரில்ஸ்

தமிழில் உச்ச நடிகராக இருக்கும் ரஜினிகாந்த் கலந்து கொண்ட நிகழ்ச்சி புதிய சாதனை படைத்துள்ளது.

டிஸ்கவரி சேனலில் ஒளிபரப்பாகும் Man Vs Wild நிகழ்ச்சிக்கு உலகம் முழுவதும் எப்போதும் அதிகளவில் ரசிகர்கள் உண்டு. குறிப்பாக தமிழில் டப் செய்யப்பட்டு ஒளிபரப்பாகும் இந்நிகழ்ச்சிக்கு தனி ரசிகர் பட்டாளமே இருக்கிறது.

Man Vs Wild நிகழ்ச்சியில் பியர் கிரில்ஸ் என்ற சாகச வீரருடன் ரஜினிகாந்த் கலந்து கொண்டார். இந்த நிகழ்ச்சி கர்நாடகாவில் உள்ள பாந்திப்பூர் காடுகளில் படமாக்கப்பட்டுள்ளது. இது ரஜினிகாந்த் பங்கு பெற்ற முதல் தொலைக்காட்சி நிகழ்ச்சி ஆகும். இந்நிகழ்ச்சி கடந்த 23 மார்ச் இரவு 8 மணிக்கு ஒளிபரப்பானது. 12 டிஸ்கவரி நெட்வொர்க் சேனல்களில் இந்நிகழ்ச்சி ஒளிபரப்பானது குறிப்பிடத்தக்கது.

இந்நிகழ்ச்சி இதுவரை 124 மில்லியன் பார்வையாளர்களை பெற்றுள்ளது. அவ்வகையில் சமீப காலங்களில் அதிகம் பார்க்கப்பட்ட நிகழ்ச்சி என்ற பெருமை கிடைத்துள்ளது.  இந்த சாதனையை ரஜினி ரசிகர்கள் சமூக வலைத்தளத்தில் கொண்டாடி வருகின்றனர்.

malaimalar