நாடாளுமன்ற உறுப்பினர்கள் கட்சி மாறுவதை தடுக்கும் நோக்கில் கொண்டு வரப்பட்ட அரசியலமைப்பு திருத்த மசோதா மக்களவையில்  இன்று நிறைவேற்றப்பட்டது.

அரசியல் கட்சிகள் வாரியாக தொகுதி வாக்கெடுப்பு கோரப்பட்டபோது, ​​ஆதரவாக 209 பேர் வாக்களித்தனர், எதிராக யாரும் வாக்களிக்கவில்லை. 11 பேர் வரவில்லை.

இதன் விளைவாக அரசியலமைப்பு திருத்தத்திற்கான மூன்றில் இரண்டு பங்கு தேவையை விட அதிகமாக இருந்தது.

இருப்பினும், இந்த அரசியலமைப்பு (திருத்தம்) (எண் 3) மசோதாவை நிறைவேற்றுவதற்கான முடிவு சில சர்ச்சைகளுடன் இருந்தது.

நாடாளுமன்ற உறுப்பினர்கள் நேற்று பிற்பகல் முதல் மசோதாவை விவாதித்துக் கொண்டிருந்த நிலையில், டேவான் ரக்யாட் சபாநாயகர் அசார் அஜிசன் ஹருன், சட்ட அமைச்சர் வான் ஜுனைடி துவாங்கு ஜாபரை வாக்கெடுப்புக்கு அழைப்பதற்கு முன்பு சுமார் 40 நிமிடங்கள் மட்டுமே பேச அனுமதித்தார்.

எம்.பி.க்கள் தங்கள் தொகுதிகளுக்கு திரும்புவதற்கு மாலை 5.30 மணிக்குள் நடவடிக்கைகளை முடிக்க வேண்டும் என்று அசார் கூறினார். இதற்கு முக்ரிஸ் மகாதீர் (Pejuang – Jerlun) இது ஒரு முக்கியமான அரசியலமைப்பு மசோதா. (சட்ட எதிர்ப்பு தெரிவித்தார்.

வான் ஜுனைடி தனக்கு ஏழு பக்கங்கள் உள்ளன என்றும் எம்.பி.க்கள் எழுப்பும் கேள்விகளுக்கான பதில்கள் எழுத்துப்பூர்வமாக வழங்கப்படும் என்றார்.

சட்ட அமைச்சர் வான் ஜுனைடி துவாங்கு ஜாபர்

மற்ற எம்.பி.க்கள் யாரும் ஆட்சேபனை தெரிவிக்காத நிலையில்  வாக்கெடுப்பு நடந்தது.

இந்த மசோதா இப்போது டேவான் நெகாராவுக்கு எடுத்துச் செல்லப்படும் போது நிறைவேற்றப்பட்டால், ஆகஸ்ட் மாதத்திலேயே அரசிதழில் வெளியிடப்படலாம்.

மசோதாவின் முக்கிய அம்சம்இரண்டு: இந்த இரண்டு நிபந்தனைகளின் அடிப்படையில் ஒரு எம்.பி., மக்களவையில்  உறுப்பினராக இருப்பதை அகற்றும் சட்டப்பிரிவு 49A ஐ அறிமுகப்படுத்துவதாகும். அதன் படி:

1)  தேர்ந்தெடுக்கப்பட்ட ஒரு நாடாளுமன்ற உறுப்பினர் அந்த அரசியல் கட்சியிலிருந்து “ராஜினாமா” அல்லது “உறுப்பினராக இருப்பதை நிறுத்துத்தினால்”; அல்லது,

2) அரசியல் கட்சியில் உறுப்பினராக இருக்கும்போது தேர்ந்தெடுக்கப்பட்ட ஒரு நாடாளுமன்ற உறுப்பினர்,  வேறு அரசியல் கட்சியில் சேர்ந்தால்

இவர்கள் மக்களவையில் இருந்து நீக்கப்படுவர்.

தேர்ந்தெடுக்கப்பட்டவுடன் கட்சியில் அங்கத்துவம் இல்லாமல் இருந்து பின்னர் அரசியல் கட்சியில் இணைந்த உறுப்பினர்களுக்கும் இந்த புதிய சட்டம் பொருந்தும்.