அரசாங்கத்தால் அறிமுகப்படுத்தப்பட்ட நிலையான பிராட்பேண்ட் யூனிட்டி பேக்கேஜ் பி 40 குழு, முன்னாள் வீரர்கள், ஊனமுற்றோர் மற்றும் வயதானவர்களுக்குக் குறைந்த விலையில் உதவுவதை நோக்கமாகக் கொண்டுள்ளது என்று தகவல் தொடர்பு மற்றும் டிஜிட்டல் அமைச்சர் ஃபாஹ்மி ஃபாட்சில்(Fahmi Fadzil) கூறினார்.
மக்களுக்கான வாழ்க்கைச் செலவைக் குறைப்பதற்கான அரசாங்கத்தின் உறுதிப்பாட்டிற்கு ஏற்ப இந்தத் தொகுப்பு இருப்பதாகவும், இது 30 Mbps வரையிலான வேகத்துடன் வரம்பற்ற தரவுடன் மாதத்திற்கு ரிம69 மட்டுமே செலவாகும் சேவைகளையும் வழங்குகிறது என்றும் அவர் கூறினார்.
24 மாத சந்தா ஒப்பந்தத்துடன் இந்தச் சலுகை இந்த மார்ச் மாதம் தொடங்கும்.
“தொகுப்பின் விலை அதே விவரக்குறிப்புகளைக் கொண்ட தொகுப்பின் தற்போதைய விலையைவிட 22% மலிவானது, இது ரிம89 ஆகும், அதாவது ஒப்பந்த காலம் முழுவதும் மக்கள் ரிம480 சேமிப்பை அனுபவிக்க முடியும்,” என்று அவர் இன்று ஓர் அறிக்கையில் கூறினார்.
டெலிகாம் மலேசியா (TM), CelcomDigi, Maxis, U Mobile, YTL, TIME Berhad மற்றும் Astro ஆகிய நிலையான பிராட்பேண்ட் சேவை வழங்குநர்களுடன் இணைந்து இந்தத் தொகுப்பு இருப்பதாக Fahmi கூறினார்.
அவரது கூற்றுப்படி, இந்த முயற்சி மக்களின் சுமையைக் குறைப்பதற்கான விருப்பத்திற்கு ஏற்ப மட்டுமல்லாமல், அரசாங்கமும் சேவை வழங்குநர்களும் மக்களின் தேவைகள் மற்றும் நலனில் கவனம் செலுத்துகிறார்கள் என்பதற்கான அறிகுறியாகும்.
கூடுதலாக, இது மதானி மலேசியாவின் கருத்துக்கு ஏற்பக் குறைந்த விலையில் மிகவும் விரிவான டிஜிட்டல் இணைப்பை உறுதி செய்வதற்கான ஒரு முயற்சியாகும் என்று அவர் கூறினார்.
