மூன்றாவது   வாரமாக    எரிபொருள்  விலை   குறைந்துள்ளதை   வாய்ப்பாகப்  பயன்படுத்திக்   கொண்டு    எதிரணியை  வறுத்தெடுக்க    முடிவு    செய்துள்ளார்   ரிசால்    மன்சூர்.

எரிபொருள்   விலை  குறைவது,   அரசாங்கம்    எரிபொருள்  விலையில்   தில்லுமுள்ளு   செய்து    ஆதாயம்   காண  முயல்வதாக     எதிரணியினர்   குற்றஞ்சாட்டி   வந்தது  பொய்யென்பதைக்   காண்பிப்பதாக  பிரதமர்    நஜிப்   அப்துல்   ரசாக்கின்   துணைவியார்    ரோஸ்மா   மன்சூரின்   உதவியாளர்   கூறினார்.

“எதிரணியினர்   சுமத்திய   குற்றச்சாட்டுகளுக்காக    அரசாங்கத்திடம்   மன்னிப்பு   கேட்டுக்கொள்வதுடன்   இனிமேலும்  அரசாங்கத்தின்  மேன்மையான    செயல்களைப்  பழித்துரைக்கக்  கூடாது”,  என   ரிசால்  மன்சூர்   ஓர்   அறிக்கையில்   கூறினார்.