சிலாங்கூருக்கு உரிய நிதியைக் கொடுக்க பிஎன் மறுத்தால் அடுத்த தேர்தலில் அது மீண்டும் படுதோல்வியைச் சந்திக்கும் என சிலாங்கூர் மந்திரி புசார் அப்துல் காலிட் இப்ராகிம் எச்சரித்துள்ளார்.
“2008-இலிருந்து சிலாங்கூருக்கு நியாயமாகக் கிடைக்க வேண்டிய நேரடி நிதி கிடைக்கவில்லை. மாறாக, அந்நிதி அமலாக்க ஒருங்கிணைப்புப் பிரிவில் உள்ள தேர்ந்தெடுக்கப்படாத அதிகாரிகள் வழியாக வழங்கப்படுகிறது”. இது, சிலாங்கூர் மக்களுக்கு இழைக்கப்படும் துரோகமாகும் என்று குறிப்பிட்ட மந்திரி புசார், அதற்காக மக்கள் 14வது பொதுத் தேர்தலில் சிலாங்கூர் பிஎன்னைத் தண்டிப்பதில் உறுதியாக இருக்கிறார்கள் என்றவர் கூறினார்.
இன்று , 2014ஆம் ஆண்டு மாநில பட்ஜெட்டை சட்டமன்றத்தில் தாக்கல் செய்தபோது காலிட் இவ்வாறு கூறினார்.
75 நஜிகேசியின் ஆட்சியல்லவா நடக்கிறது .
அல்லாஹ் விவகாரத்தில் தலையிட்ட மேன்மைதங்கிய சிலாங்கூர் சுல்தான் அவர்கள் ஏன் இந்த நிதி விவகாரத்தில் தலையிடகூடாது ? மக்களுக்கு சேர வேண்டிய மக்கள் பணம் – உருப்படாதவன் கைக்கு போவதேன் ?? சிலாங்கூர் மாநில பணம் வரவில்லை என்றால் , சுல்தான் தானமாக கொடுத்த புத்ரா ஜெயா நிலத்தை மீட்டுக்கொள்ள வேண்டும் ??
அதெல்லாம் சரிதான். வரிந்து கட்டிக் கொண்டு ஓட்டு போட்டு பக்கத்தானை ஆட்சியில் அமர்த்திய இந்திய சமூகத்திற்கு இந்த பட்ஜெட்டில் ஒன்றும் இல்லையே. தமிழ்ப்பள்ளிகளுக்கு அதே நாற்பது லட்சம் வெள்ளி. ஆனால் சீன மற்றும் சமயப்பள்ளிகளுக்கு மட்டும் 60 லட்சம் வெள்ளியாக மானியம் உயர்வு. மலாய் மற்றும் சீனர்களின் புதுக்கிராம மேம்பாட்டிற்கு கோடிக்கணக்கான வெள்ளி ஒதுக்கீடு. ஆனால் இந்தியர்களின் குடியிருப்புப் பகுதிகளுக்கு ஒரு மானியமும் இல்லை. இந்த பட்ஜெட் அனைத்து இனங்களையும் உள்ளடக்கியது என்று பொதுவில் கூறப்பட்டாலும் அதன் முழு பலனை நம் இனம் அனுபவிப்பதே இல்லை. இளைஞர் மேம்பாடு, விளையாட்டுத் துறை, வறுமை ஒழிப்பு போன்றவை இதற்கு உதாராணம். எனது இந்த கருத்தை ஆட்சேபிப்பவர்கள் சிலாங்கூர் அரசின் பட்ஜெட்டை நன்கு படித்து பார்த்து உண்மையைத் தெரிந்து கொள்ளலாம்.