சண்டி காணப்படும் அனைத்து இடங்களும் அரசாங்க கெஜட்டில் பதிவு செய்யப்பட்டால், கெடாவில் அம்னோ ஒரு தொகுதியை இழக்கும் என்று அம்னோ ஆண்டு பொதுக்கூட்டத்தில் நேற்று கூறப்பட்டது.

இதற்கான காரணம், இந்த சின்னங்கள் எல்லா இடங்களிலும்  காணப்படுகின்றன, மக்களின் வீடுகளுக்கு கீழும் அவை இருக்கின்றன என்று கெடா மாநில பிரதிநிதியும் தஞ்சோங் டாவாய் சட்டமன்ற உறுப்பினருமான தாஜுல் உருஸ் மாட் ஸைன் கூறினார்.

“இவ்விடங்கள் பாரம்பரிய இடங்களாக கெஜட்டில் பதிவு செய்யப்பட்டால், நான் ஒரு தொகுதியை இழக்க வேண்டும் ஏனென்றால் இந்த சிறிய சண்டிகள் எங்குபார்த்தாலும் இருக்கின்றன, கம்போங் வீடுகளுக்கு கீழும், சாலை ஓரங்களிலும், எல்லா இடங்களிலும் இருக்கின்றன”, என்றாரவர்.

ஒரு வீட்டு மேம்பாட்டு திட்டத்திற்காக எட்டாம் நூற்றாண்டு காலத்திய தொல்பொருள் இடத்தின் ஒரு பகுதி என்று கூறப்படும் நிலத்தில் உடைக்கப்பட்ட சண்டி “ஒரு சிறிய விசயம் படுதோல்வியாக்கப்பட்டுள்ளது”, என்று அவர் கூறினார்.

உடைக்கப்பட்ட சண்டி ஆதியிலிருந்ததல்ல. அது புதுப்பிக்கப்பட்ட ஒன்றாகும் என்று கெடா ஆட்சிக்குழு உறுப்பினரான தாஜுல் மேலும் கூறினார்.

“நடந்தது என்னவென்றால், அந்த சண்டி 1974 ஆம் ஆண்டில் ஆற்று கற்பாறைகளைக் கொண்டு இரண்டு அடி உயரத்திற்கு மீண்டும் கட்டப்பட்டதாகும்”, என்றாரவர்.

ஆப்கானிஸ்தானில் உடைக்கப்பட்ட பாமியான் புத்த கட்டமைப்புகளோடு இந்த சண்டியை பாடாங் செராய் நாடாளுமன்ற உறுப்பினர் என்.சுரேந்திரன் ஒப்பிட்டது அரசியல் இலாபத்திற்காக விடுக்கப்பட்ட அறிக்கையாகும்.

“இது எறும்பை யானையுடன் ஒப்பீடுவதற்குச் சமமாகும்”, என்று அவர் கூறினார்.

பூஜாங் பள்ளத்தாக்கு இஸ்லாமிய கலாச்சாரத்திற்கு முந்தியாகும். இது மலாய் புராணக் கதை மற்றும் நாடோடிக்கதைகள் ஆகியவற்றின் ஓர் அங்கமல்ல என்று அவர் மேலும் கூறினார்.

“ஜெராய் மலையை உள்ளடக்கிய மெரோங் மகாவங்சா நிலை என்ன? சுற்றுப்பயண நலன் கருதி இது குறித்து பாரம்பரிய இலாகா கவனம் செலுத்த வேண்டும் என வலியுறுத்துகிறேன்”, என்றாரவர்.

இது புராதனச் சின்னம் என்பதை அறிந்திராத மேம்பாட்டாளர் அந்த சண்டியை புதுப்பிப்பார் என்று மாநில அரசு கூறியுள்ளது.

2011 ஆம் ஆண்டில், நாடாளுமன்றத்தில் ஒரு கேள்விக்கு பதில் அளித்த தகவல், தொடர்பு மற்றும் பண்பாட்டு அமைச்சர் ராயிஸ் யாத்திம் பூஜாங் பள்ளத்தாக்கில் காணப்பட்டும் தொன்மையான பாரம்பரிய சின்னங்களை பாதுகாப்பதற்காக அவை காணப்படும் நிலத்தை அரசாங்கம் வாங்கும் என்று தெரிவித்தார்.