உங்கள் கருத்து “மசீச எவ்வளவு வயாக்ரா உட்கொண்டாலும் பயனில்லை. ஏனென்றால் பல ஆண்டுகளாகவே அம்னோ மசசீவைக் காயடித்து வைத்திருக்கிறது”.

நஜிப்: மசீசவுக்கு அரசியல் வயாக்ரா ஊசி போட்டால் எல்லாம் சரியாகிவிடும்

பெர்ட் டான்: மசீச பொதுப்பேரவையில் தலைமை விருந்தினராக அழைத்துவரப்பட்ட ஒரு தலைவர் அதிலும் பிரதமர், தம்மை அழைத்து வந்தவரையே கிண்டல் செய்து பேசியது
இரசிக்கத்தக்கதாக இல்லை.

மசீச உறுப்பினரிடம் போராட்ட உணர்வைத் தூண்டும் நோக்கில் ‘அரசியல்வயாக்ரா’ என்ற சொல்லைப் பயன்படுத்திய பிஎன் தலைவர் நஜிப் அப்துல் ரசாக், அச்சொல் மசீச தலைவரின் பாலியல் லீலைகளை நினைவுக்குக் கொண்டுவரும் என்பதை அறிந்தே இருப்பார். 

கூட்டத்தினர் அதைக் கேட்டு கரங்கொட்டி சிரித்ததே அவர்களும் அச்சொல்லின் உள் அர்த்தத்தைப் புரிந்து கொண்டார்கள் என்பதற்குச் சான்றாகும்.

நஜிப், சுவாவை அவரின் ஆயிரக்கணக்கான உறுப்பினர்களின் முன்னிலையில் இப்படியா மட்டம்தட்டுவது? இது அம்னோவின் மேலாதிக்கப் போக்கைக் காண்பிக்கிறதா அல்லது அறிவீனத்தையா?  இதை அப்படியே திருப்பிப் போட்டுப் பாருங்கள், நஜிப்ப்பின் எதிர்வினை எப்படி இருந்திருக்கும்?

ஜெரிமி இங்: எவ்வளவு வயாக்ரா கொடுத்தாலும் மசீச புத்தெழுச்சி பெறப்போவதில்லை. அதன் தலைவர்களின் அரசியல் உணர்வு சீனர்களின் நலனைப் பிரதிபலிக்கவில்லை. நஜிப் சொல்வது சரிதான். மசீச-வில் உடல் இருக்கிறது. ஆன்மா இல்லை.

பேஸ்: அரசியல் தலைவர்கள் புதிய அரசியல் யதார்த்தங்களை எதிர்கொள்ளும் தகுதியற்றவர்களாக இருக்கிறார்கள். அதனால் ‘பெரிய அண்ணன்’ எவ்வளவுதான் ஊக்கப்படுத்தினாலும் முடிவு எப்போதும் போன்றதுதான்.

ஸ்வைபெண்டர்: இந்த அம்னோ தலைவர்களுக்குப் பாலியல் உள்ளர்த்தம் வைக்காமல் பேச வராது.

மசீச எவ்வளவு வயாக்ரா உட்கொண்டாலும் பயனில்லை. ஏனென்றால் பல ஆண்டுகளாகவே அம்னோ மசசீவைக் காயடித்து வைத்திருக்கிறது.

விழிப்படைந்தவன்:  நம் தலைவர்கள் பிரச்னைகளை அணுகும் முறையைப் பார்த்தீர்களா? பாட்டி, தாத்தா என்கிறார்கள், சொத்துக்களும் பெண்களும் ஒன்றுதான் என்கிறார்கள், இப்போது புத்தெழுச்சி பெற வயாக்ரா தேவையாம். 

கலா: அரசியல் வயாக்ரா என்ன, சகல நோய்-நிவாரணியா? மசீசவின் வீழ்ச்சிக்கு உண்மைக் காரணம் என்ன? இங்கே “கொடிய மருத்துவர்” அல்லவா காரணமாக இருக்கிறார்.

சீராக்: வெளிநாடுகளில் தம்மை அரசியல்மேதைபோல் காண்பித்துக்கொள்ள முனையும் ஒருவர் பேசும் பேச்சா இது?

மசீசவைப் பொறுத்தவரை எந்த அறிவுரையாலும் அதை உசுப்பிட முடியாது. அது ஒரு செத்துப்போன குதிரை.