அம்னோவின் இடத்தில் இருந்து கொண்டு மலாய்க்காரர் நலன் காப்போம் என்று பெர்காசா கூறுவது நடவாத காரியம் என்கிறார்  அம்னோ உச்சமன்ற உறுப்பினர்  இசா சமட்.

மலாய்காரர் நலன் காத்தல் என்பது சாதாரணமான செயல்  அல்ல என்று  கூறிய இசா, பெர்காசாவே அம்னோவிடமிருந்து நிறைய உதவி பெற்றுள்ளது  என்றார்.

“அது உணர்ச்சிவயப்பட்டு சொன்ன ஒரு கருத்து. அம்னோவின் இடத்தை நிரப்புவது  எளிதன்று”, என முன்னாள் நெகிரி செம்பிலான மந்திரி புசாரும் இப்போது பெல்டா தலைவருமான இசா, செய்தியாளர்களிடம் கூறினார்.

நேற்று, பெர்காசா ஆண்டுக்கூட்டத்தில் பேசிய அதன் தலைவர் இப்ராகிம் அலி,, 500,000 உறுப்பினர்களைக் கொண்ட பெர்காசாவே நாட்டில் நல்ல கட்டமைப்பைக் கொண்ட அரசியல் கட்சி என்றார். அம்னோ செல்வாக்கு இழந்து வருவதால் அதற்கு மாற்றாக பெர்காசா விளங்க முடியும் எனவும் அவர் கூறினார்.