2014 பட்ஜெட் பல சலுகைகள் பற்றிப் பேசினாலும் வாழ்க்கைச் செலவைக் குறைக்க அவை உதவும் என்ற நம்பிக்கை பெரும்பாலான மலேசியர்களுக்கு இல்லை. அவர்களின் இப்போதைய பெருங் கவலை எல்லாம்  எண்ணெய், சீனி, ஆகியவற்றின் விலை உயர்வும் மின்கட்டண உயர்வும்தான்.

மலாயாப் பல்கலைக்கழக ஜனநாயக மற்றும் தேர்தல் மையம் (Umcedel) மேற்கொண்ட ஒரு கருத்துக்கணிப்பில் இது தெரிய வந்தது. கருத்துக்கணிப்பில் கலந்துகொண்ட 55 விழுக்காட்டினருக்கு வாழ்க்கைச் செலவினத்துக்கு பட்ஜெட் உதவும் என்ற நம்பிக்கை இல்லை.  விலை உயர்வு, சீனி உதவித்தொகை இரத்து, பொருள், சேவை வரி (ஜிஎஸ்டி) போன்றவற்றைச் சமாளிக்க பந்துவான் ரக்யாட் 1மலேசியா (பிரிம்) உதவும் என்றும் அவர்கள் நம்பத் தயாராக இல்லை.