முஸ்லிம்-அல்லாதார் ‘அல்லாஹ்’ சொல்லைப் பயன்படுத்தத் தடை விதித்தது அதன் விளைவாக மலேசிய பைபிள் கழகத்தில் அதிரடிச் சோதனை நடத்தப்பட்டது எல்லாமே அரசியல் நோக்கம் கொண்ட செயல்கள்  என பாஸ் கூறியது.

சமயத்தைப் பாதுகாப்பது என்றால் அதை வலுப்படுத்தும் நடவடிக்கைகளை  மேற்கொள்ள  வேண்டுமே  தவிர  மற்றவர்களைக்  கட்டுப்படுத்திக் கொண்டிருக்கக் கூடாது என்று பாஸ் உதவித் தலைவர்  துவான் இப்ராகிம் துவான் மான் குறிப்பிட்டார்.

முஸ்லிம்-அல்லாதார் முஸ்லிம்களுக்கு உரிய  சொற்களைப் பயன்படுத்த  இடமளித்தால் முஸ்லிம்கள் சமயத்தைக் கைவிடும் நிலை ஏற்படலாம் என்று கூறப்படுவதையும் அவர் மறுத்தார்.

“இந்நாட்டில் முஸ்லிம்களின் சமய நம்பிக்கை அந்த அளவுக்கா பலவீனமாக உள்ளது?”, என்று பலராலும் மதிக்கப்படும் அந்தச் சமய அறிஞர் வினவினார்.