இன்று  முதல்  அமலுக்கு  வரும் 2014 தேசிய  வாகனக்  கொள்கையைத்  தொடர்ந்து  2018-க்குள்  கார்களின்  விலை  20-30 விழுக்காடு  குறையும்  என  எதிர்பார்க்கலாம். 

கடந்த  வாரம்  அனைத்துலக  வாணிப,  தொழில்துறை  அமைச்சு நடத்திய  செய்தியாளர்  கூட்டமொன்றில் கார்  தயாரிப்புக்கான  சட்டங்கள்  தளர்த்தப்படுவது  கார்களின்  விலை  குறைய  காரணமாக இருக்கும்  எனத்  தெரிவிக்கப்பட்டது.

இதன்  தொடர்பில்  மேல்விவரங்கள்  இன்று  பிற்பகல்  தெரிவிக்கப்படும்  என்றும்  அதில்  கூறப்பட்டது.

இன்று  முதல்  எந்தவொரு   கார்  தயாரிப்பு  நிறுவனமும்  அது 100  விழுக்காடு  வெளிநாட்டவருக்குச்  சொந்தமாக  இருந்தாலும்கூட  மலேசியாவில்  கார்  தயாரிப்புத்  தொழிலில் ஈடுபடலாம்.