பிரதமர்   நஜிப்  அப்துல்  ரசாக், கங்கோங்  கீரை தொடர்பில்  கிண்டல்  செய்து  நடத்தப்பட்ட  ஆர்ப்பாட்டம்  குறித்து  கருத்துரைப்பதில்  காட்டிய  வேகத்தை  அல்லாஹ்  என்னும்  சொல்லைப்  பயன்படுத்துவது  மீதான  சர்ச்சையில்  காண்பிக்காதது  ஏன்  என்று  டிஏபி  வினவியுள்ளது.

“அல்லாஹ்  விவகாரம்  குறித்து  அமைச்சரவை  விவாதிக்கத்  தொடங்கி  17 நாள்களுக்குமேல்  ஆகிவிட்டன.

“ஆனால்,  ஒரு  பொறுப்பான  தலைவர்  என்ற  முறையில்  பிரதமர்  இன்னும்  அவ்விவகாரம்  பற்றி  எதுவும் பேசாதிருக்கிறார்.

“ஆனால், தமக்கு  எதிராக  நடத்தப்பட்ட  கங்கோங்  கீரை  ஆர்ப்பாட்டம்  பற்றி  மட்டும்  அவர்  விரைந்து  எதிர்வினை  ஆற்றியுள்ளார்”.  டிஏபி-இன்  சீ  பூத்தே  எம்பி  தெரேசா கொக்  அறிக்கை  ஒன்றில்  இவ்வாறு  கூறினார்.