காஜாங்கில்  பிஎன்-னைப்  பிரதிநிதித்து  மசீசதான்  போட்டியிடும்.  அதை அம்னோ  இளைஞர்  தலைவர் கைரி  ஜமாலுடின்  ஏற்க  வேண்டும்  என  மசீச  இளைஞர்  தலைவர்  சொங்  சின்  வூன்  கூறினார்.

“காஜாங்கைக் வெல்வது  நம்  ஒருமித்த  குறிக்கோளாகும்.  (அப்படி  இருக்க) வேட்பாளரைத்  தேர்ந்தெடுப்பதில்  பழைய  முறையைப்  பின்பற்ற  வேண்டியதில்லை  என்றவர்  வெளிப்படையாகக்  கூறி  இருக்க  வேண்டாம்”, என்றாரவர்.

பிஎன்  இளைஞர்  தலைவரான  கைரி  பிஎன்  உணர்வுக்கு  மதிப்பளிக்க  வேண்டும் என்று   சொங்  வலியுறுத்தினார்.

கைரி,  காஜாங்கில்  மசீச-தான்  போட்டியிட  வேண்டும்  என்ற  அவசியம்  இல்லை என்றும்  பிஎன்  கட்சிகளில்  பொருத்தமான  வேட்பாளர்  யார்  எனத்  தெரிந்து  அவரைத்தான்  பிஎன்  தலைவர்  நஜிப்  அப்துல்  ரசாக்  வேட்பாளராகக்  களமிறக்க  வேண்டும்  என்றும்  நேற்று  கூறி இருந்தது  பற்றிக் கருத்துரைத்தபோது  அவர்  இவ்வாறு  கூறினார்.