இன்று  கூட்டரசு  நீதிமன்றத்தில்  விசாரிக்கப்படவிருந்த  முன்னாள்  சிலாங்கூரின்  முன்னாள்  மந்திரி  புசார்  டாக்டர்  முகம்மட்  கீர்   தோயோவின்  மேல்முறையீடு  காலவரையின்றி  ஒத்தி  வைக்கப்பட்டது. 

2011-இல்,  பதவியில்  இருந்தபோது  அவர்  இரண்டு  துண்டு  நிலங்களையும்  ஒரு  பங்களாவையும்  வாங்கியதில்   ஊழல்  நிகழ்ந்திருப்பதாக  ஷா ஆலம் உயர் நீதிமன்றம்  வழங்கிய  தீர்ப்பை  எதிர்த்து  கீர்  அந்த  மேல்முறையீட்டைச்  செய்திருந்தார்.

“தவிர்க்க  முடியாத  காரணத்தால்”  அவரது  மேல்முறையீடு  மீதான  விசாரணை  ஒத்திவைக்கப்பட்டதாக  கூட்டரசு  நீதிமன்ற  தொடர்புப்  பிரிவுத்  தலைவர்  முகம்மட்  ஐஸுடின்  கூறினார்.

“அதை  விசாரிப்பதற்குப்  புதிய  தேதி பின்னர்  முடிவு  செய்யப்படும்”,  என்றாரவர்.  

உயர் நீதிமன்றத்தின்  தீர்ப்பை மேல்முறையீட்டு  நீதிமன்றமும்  கடந்த  ஆண்டு  நிலைநிறுத்தியது  என்பது  குறிப்பிடத்தக்கது.