சந்திரன்  பாஸ்கரனுக்கு  இன்று  தூக்குத்தண்டனை  நிறைவேற்றப்பட  விருந்தது.  ஆனால்,  கடைசி  நேரத்தில் ஜோகூர்  சுல்தான்  தலையிட்டதால்  அவருக்குத்  தண்டனை  ஒத்தி   வைக்கப்பட்டது.
தண்டனை  ஒத்திவைக்கப்பட்ட  செய்தி  நேற்றிரவுதான்  தங்களுக்குத்  தெரிய  வந்ததாக  அவரின்  சகோதரர்  தாமோதரன்  கூறினார். 

“கடைசி  நேரத்தில்   கிடைத்த  செய்தியால்  எங்கள்  குடும்பமே  மிகுந்த   மகிழ்ச்சி  அடைந்தது. சுல்தானுக்கு  எங்கள்  நன்றி”,  என்றவர்  கூறியதாக  ஃப்ரி  மலேசியா  டூடே  செய்தித்தளம்  கூறியது.

2003-இல்  செய்த  கொலைக்காக ஜோகூர்  உயர்  நீதிமன்றம்   2008-இல்  சந்திரனுக்குத்  தூக்குத்  தண்டனை  விதித்தது.