சரவாக்  முதலமைச்சர்  அப்துல்  தாயிப்  மஹ்முட்    இம்மாத  இறுதியில்  பணி ஓய்வு  பெறும்போது  இப்போது  பிபிபி  கட்சியின்  உதவித்  தலைவராகவுள்ள  ஆவாங்  தெங்கா  அலி  ஹசன்  முதலமைச்சராகலாம்  என்று  கூறப்படுகிறது.  “சரவாக்கியர்  ஒருவர்தான்  சர்வாக்குக்குத்  தலைமை  தாங்க  வேண்டும்”  என்று  தாயிப்  கூறி  இருப்பதிலிருந்து  அப்படித்தான்  நினைக்கத்  தோன்றுகிறது.

ஆவாங்  தெங்கா  அம்னோ-எதிர்ப்பாளர்,  உறுதியான  மனம்  படைத்தவர்,  தாயிப்பின்  பார்வையில்  வளர்ந்தவர்,  சரவாக்கின்  பொதுப்  பயனீட்டு  அமைச்சு,  தொழில்  மேம்பாட்டு  அமைச்சு,  திட்டமிடல்,  சுற்றுச்சூழல்  அமைச்சு  போன்றவற்றைத்  திறம்பட  நிர்வகித்து  வந்திருப்பவர்  என்ற  முறையில்  அப்பதவிக்கு மிகவும்  பொருத்தமானவர்  என்றே  அரசியல்  பார்வையாளர்களும்  கருதுகிறார்கள்.

தாயிப்புக்கு  அடுத்தபடியாக,  ஆவாங்  தெங்காதான்  அம்மாநிலத்தில்  செல்வாக்குமிக்க  அமைச்சராகவும்  கருதப்படுகிறார்.