இப்பொதுள்ள  வெப்பநிலை  மேலும்  மூன்று  வாரங்களுக்குத்  தொடருமானால்  கிள்ளான்  பள்ளத்தாக்கிலும்  புத்ரா  ஜெயாவில்  வசிக்கும்  இரண்டு  மில்லியன்  பேர்  குடிநீர்  பற்றாக்குறையால்  பாதிக்கப்படுவர்.

சுங்கை  சிலாங்கூரிலும்  கிளாங்  கேட்சிலும்  நீரின்  அளவு  60 விழுக்காட்டுக்கும்  குறைவாக  உள்ளது  என்றும்  வெப்பநிலை  தொடர்ந்தால்  அது  மேலும்  குறையலாம்  என்றும்  எரிபொருள், பசுமைத்  தொழில்நுட்ப  துணை  அமைச்சர்  மகாட்சிர்  காலிட்  கூறினார்.

“இப்போது  சுங்கை  சிலாங்கூர்  அணைக்கட்டில்  உள்ள  நீரின்  அளவு  57.63  விழுக்காடு.  கிளாங்  கேட்சில்   58 விழுக்காடு. 16 நாள்களுக்கு  மழை  பெய்யாவிட்டால்  நீரின்  அளவு  45  விழுக்காடாகக்  குறையும்.

“வறட்சி  நிலை  தொடருமானால்  தண்ணீரைப்  பங்கீடு  செய்ய  வேண்டிய  நிலை  வரலாம்”, என்றவர்  சுங்கை  சிலாங்கூர்  அணைக்கட்டுக்கு  வருகை  புரிந்த  பின்னர்  செய்தியாளர்களிடம்  தெரிவித்தார்.