டிங்கி  நோயைக்  கண்டுபிடிக்கும்  வசதிகளைப்  பெற்றிராத  தனியார்  மருத்துவ  நிலையங்கள்  நோயாளிகளை  அருகில்  உள்ள  அரசு  மருத்துவ  மனைகளுக்கு  அனுப்பி   வைக்க  வேண்டும்  எனச்  சுகாதார  அமைச்சர்  டாக்டர் எஸ்.சுப்ரமணியம்  கூறினார்.

டிங்கி  நோயால்  பாதிக்கப்பட்டவர்களில்  50  விழுக்காட்டினரை  நோய்  தொடக்கக் கட்டத்தில்  இருக்கும்போதே  அடையாளம்  கண்டுபிடிக்க  முடியாமல்  போகிறது. காய்ச்சல்  கண்டவர்கள்  குறைவான  வசதிகளைக்  கொண்ட  மருத்துவ  நிலையங்களை  நாடிச்செல்வதுதான்  இதற்குக்  காரணமாகும்  என்றாரவர்.

“தனியார்  மருத்துவ  நிலையங்களுக்குச்  செல்வதை  நாங்கள்  தடுக்கவில்லை. தனியார்  மருத்துவர்கள்  தேவையான  சோதனைகளை  எல்லாம்  செய்ய  வேண்டும்.  டிங்கி  நோய்  இருந்தால்  அதைக்  கண்டுபிடிக்காமல்  விட்டுவிடக்  கூடாது”,  என  டாக்டர்  சுப்ரமணியம்  கேட்டுக்கொண்டார்.

தொடக்கக்  கட்டத்திலேயே  கண்டுபிடிக்கப்பட்டால்  அந்த  நோயின்  பாதிப்பைக்  குறைக்க  முடியும்  என  சுப்ரமணியம்  குறிப்பிட்டார்.