சமயங்களுக்கிடையில்  இணக்கநிலைக்கு  உதவும் என்ற நோக்கத்தில்தான்  காஜாங் இடைத்  தேர்தல்  வேட்பாளர்  அன்வார்  இப்ராகிம்  கடந்த  ஞாயிற்றுக்கிழமை  தேவாலய  நிகழ்வு  ஒன்றுக்கு  அழைக்கப்பட்டிருந்ததாகவும் மற்றபடி  அவருக்கு  வாக்குகள்  தேடிக்கொடுக்கும்  நோக்கம்  இல்லை  என்றும்  காஜாங்  ஹோலி  பேமிலி  தேவாலயம்(எச்எப்சி)  கூறியுள்ளது.  தேவாலயம்  அரசியலில்  மூக்கை  நுழைப்பதாகக்  கூறப்படுவதை  அது  மறுத்தது.  

நாட்டில்  கிறிஸ்துவர்களுக்கும்  முஸ்லிம்களுக்குமிடையில்  உறவுகள்  மேம்பட  வேண்டும்  என்பதில்  தேவாலயம்  நாட்டம்  கொண்டிருப்பதால் அந்நிகழ்வுக்கு  அனுமதி  அளித்ததாக  எச்எப்சி பாதிரியார் ஜார்ஜ்  ஹாரிசன்  கூறினார்.

“எந்த  அரசியல்  கட்சியையும்  ஆதரிப்பது  அதன்  நோக்கமல்ல”.

தேவாலய  உறுப்பினர்  ஒருவரால்  ஏற்பாடு  செய்யப்பட்ட  அந்நிகழ்வு, தேவாலயக்  கட்டிடத்தில்   நடக்கவில்லை  என்றும்  பல்நோக்கு  மண்டபத்தில்தான்  நடந்தது  என்றும்  அவர்  சொன்னார்.

அந்நிகழ்வில்  பேசிய  அன்வார்,  பல்வேறு  இன,  சமயங்களுக்கிடையில்  சகோதரத்துவம்  தேவை  என்பதை  வலியுறுத்தினார்.