பிரதமர்  நஜிப்  அப்துல்  ரசாக் இன்னும்  திடமாக  நடந்துகொள்ள  வேண்டும்  என  நினைக்கிறார்  முன்னாள்  நிதி  அமைச்சர்  டயிம்  சைனுடின்.

“வலுவான  தலைமைத்துவத்தையே  மக்கள்  விரும்புகிறார்கள்”,  என்று  கினிபிஸ்   நேர்காணலில்  தெரிவித்த  டயிம்,  நஜிப்  திடமாக  நடந்துகொள்வதுமில்லை  சரியாக  முடிவெடுப்பவதும்  இல்லை  என்றார்.

பணவீக்கத்தைச்  சமாளிப்பதிலும்  சமய  விவகாரங்களில்  பதற்றத்தை  உண்டுபண்ணுவோரை  அடக்கிவைப்பதிலும்  அரசாங்கம்  பலவீனமாக  நடந்துகொள்வதாக  அவர்  குறைகூறினார். 

எதிரணித்  தலைவர்  அன்வார்  இப்ராகிமையும்  டயிம் சாடினார். அவர்  அரசாங்கத்தில்  இருந்தபோதுகூட  “எந்தப்  பிரச்னைக்கும்   தீர்வுகண்டவர்  அல்லர்”  என்றாரவர்.  அன்வாரும்  ஒரு  பலவீனமான  தலைவரே  என்பது  டயிமின்  கணிப்பு.