காஜாங்  இடைத்  தேர்தலில்  பிஎன் எதிரணியைத்  தாக்கிப் பரப்புரை  செய்யும்  ஆனால்,  “தனிப்பட்ட  முறையில்  தாக்கிப்பேசாது”  என்று  துணைப்  பிரதமர்  முகைதின்  யாசின்  இன்று  கூறினார்.

பிஎன்  தலைவர்களுடன்  இரகசிய  கூட்டம்  நடத்திய  பின்னர்  செய்தியாளர்களைச்  சந்தித்த  முகைதின்,  பரப்புரை  செய்கையில்  பிஎன்  கூட்டணி  “கண்ணியமாக  நடந்து கொள்ளும்” என்றார்.

“ஆனால்,  எதிர்தாக்குதல்  நடத்துவோம். எதிரணியினர்  சொல்வதற்குப்  பதில்  மட்டும்  சொல்லிக் கொண்டிருந்தால்  மக்கள்  எங்களைப்  பலவீனமானவர்கள்  என்று  நினைப்பார்கள்”, என்றாரவர்.