பிஎன்,  13வது  பொதுத்  தேர்தலில்  பிகேஆருக்கு   வாக்களித்ததை  எண்ணி  வருத்தப்படும் காஜாங்  வாக்காளர்களை  அடையாளம்  காண்பதில்  முழு  மூச்சாக  ஈடுபடும்  என்கிறார்  அம்னோ  உதவித்  தலைவர்  அஹ்மட்  ஜாஹிட்  ஹமிடி.

பிகேஆரின்  லீ  சின்  சே-யைத்  தேர்ந்தெடுத்த  அவ்வாக்காளர்கள்,  அவர்  அன்வார்  இப்ராகிம்  போட்டியிடுவதற்கு  வழிவிட்டு  சட்டமன்ற  உறுப்பினர்  பதவியைத்  துறந்ததை  நினைத்து  கொதிப்படைந்து  போயிருப்பதைத்  தாம்  நேரில்  கண்டறிந்திருப்பதாக  ஜாஹிட்  கூறினார்.

“காஜாங்  என்  வட்டாரம்.  நான்  இங்குதான்  வசிக்கிறேன். அதனால், (வாக்களித்ததை  நினைத்து  வருத்தப்படும்)  இந்தக்  கூட்டத்தை  வளைத்துப்போட  முனைவோம்”,என்றாரவர்.