அம்னோ   மகளிர்  தலைவர், ஷரிசாட்  அப்துல்  ஜலில்,  தாம்  மசீச  உதவித்  தலைவர்  சியு  மெய் பன்னிடம்  காஜாங்  இடைத்  தேர்தலுக்குப்  பின்  “ஒரு  கணவரைத்  தேடிக்கொள்ள  வேண்டும்”  என்று  கூறியது  விளையாட்டாகச்  சொல்லப்பட்ட  ஒன்று  எனவும்   சியுவை  அவமதிக்கும்  நோக்கம்  துளியும்  அதில்  இல்லை  எனவும்  விளக்கினார்.

“அவரை (சியுவை) எனக்கு  நன்றாக  தெரியும். வேடிக்கையாக  பேசிக்  கொண்டிருந்தோம். ஒரு சகோதரியைக்  கேலி  செய்வதுபோல்  கேலி  செய்து  கொண்டிருந்தேனே  தவிர  அவரை  அவமதிக்கவில்லை”,  என்றுரைத்த  ஷரிசாட்,  பக்காத்தான்  ரக்யாட்  தலைவர்கள்தான்  அதைப்  பெரிதுபடுத்தி  வருகிறார்கள்  என்றும்  சாடினார்.