நாடாளுமன்ற  உறுப்பினர்கள்(எம்பி-கள்)  பொருள்,  சேவை வரி(ஜிஎஸ்டி)யின்  நன்மைகளையும்  அது  செயல்படும்  விதத்தையும்  மக்களுக்கு  எடுத்துரைக்க  வேண்டும்  என்று  பேரரசர்  அப்துல்  ஹாலிம்  முவா’ட்ஸாம்  ஷா  வலியுறுத்தியுள்ளார்.

நாடாளுமன்றத்தின்  2014-ஆம்  ஆண்டுக்கான  கூட்டத்தொடரைத்  தொடக்கிவைத்து  உரையாற்றிய  பேரரசர்,  ஜிஎஸ்டி  என்பது  கூடுதல்  வரி  அல்லவென்பதையும்  நடப்பில்  உள்ள  விற்பனை  மற்றும்  சேவை  வரிக்கு (எஸ்எஸ்டி)ப்  பதிலாகத்தான்  அது  கொண்டுவரப்படுகிறது  என்பதையும்  எம்பிகள்  விளக்கிக்கூற  வேண்டும்  என்றார்.

மாற்றரசுக்   கட்சிகள்,  2015-இல்  அமலுக்குவரும்  ஜிஎஸ்டி-யால்  வாழ்க்கைச்  செலவுகள்  கூடி  மக்கள்  பெரிதும்  துன்புறுவர்  என்றுகூறி  அதற்குக்  கடும்   எதிர்ப்புத்  தெரிவித்து  வருகின்றன.