பிரதமர்  நஜிப்  அப்துல்  ரசாக்  ஐந்து  மாதங்களில்  கவிழ்க்கப்படுவார்  என்று  ட்விட்டரில்  செய்தி  போட்டிருந்த பிகேஆர்  உதவித்  தலைவர்  தியான்  சுவா  தேச  நிந்தனைக் குற்றம்  புரிந்திருக்கிறாரா  என்று  போலீசார்  விசாரணை  செய்கிறார்கள்.

இதன்  தொடர்பில்  இன்று  அவரிடம்  கோலாலும்பூர்  போலீஸ்  தலைமையகத்தில்  வாக்குமூலம்  பதிவு  செய்யப்பட்டது.

பத்து எம்பியான  தியான்  சுவா,  மார்ச் 7-இல், முறையீட்டு  நீதிமன்றத்தில்  அன்வாருக்கு  எதிராக  தீர்ப்பு  வழங்கப்பட்டதை  அடுத்து  ட்விட்டரில் செய்தி  ஒன்றைப்  பதிவு செய்திருந்தார்.

“நஜிப்  அன்வாருக்கு  5-ஆண்டுச் சிறைத்தண்டனை  விதித்தார்- ஐந்தே  மாதங்களில்   நஜிப்பை  மக்கள் கவிழ்ப்பார்கள். இது  நடக்கும்  என்று  உறுதி  கூறுகிறேன்”,  என  ட்விட்டரில்  அவர்  குறிப்பிட்டிருந்தார்.