அடுத்த  ஆண்டு  ஏப்ரல்  முதல்  நாளிலிருந்து  பொருள்,  சேவை  வரி(ஜிஎஸ்டி)  அமலுக்கு  வரும்போது  சுமார்  15,542 உணவகங்களில் அந்த  வரி  வசூலிக்கப்படலாம்.

ஆண்டுக்கு ரிம500,000  விற்பனையைக்  கொண்ட  உணவகங்கள்  இந்த  வரியை  வசூலித்தாக  வேண்டும்  என  நிதி  துணை  அமைச்சர்  அஹ்மட்  மஸ்லான்   இன்று  நாடாளுமன்றத்தில்  கேள்வி  நேரத்தின்போது  தெரிவித்தார்.

பின்னர்,  செய்தியாளர்களிடம்  பேசிய  அஹ்மட், ஆறு  விழுக்காடு  ஜிஎஸ்டி  அமலுக்கு  வருவதால்  உணவு  விலை  கிடுகிடுவென்று  உயரும்  என்று  நினைக்க  வேண்டாம்  என்றார்.

“விலைகள்  ஆறு  விழுக்காடு உயரும்  என்று  நினைப்பது  சரியல்ல.  ஒரு  விழுக்காடுதான்  உயரும்  ஏனென்றால், இப்போதே  சேவை  வரி  5 விழுக்காடு  வசூலிக்கப்படுகிறது”,  என்றார்.

ஜிஎஸ்டி  மூலம்  அடுத்த  ஆண்டில்  ரிம3.87 பில்லியன்  கூடுதல்  வருமானம்  கிடைக்கும்  என்று  அரசாங்கம்  எண்ணுகிறது.