மலேசிய  விமான  நிறுவனத்தின்  எம்எச்370  விமானம் 239  பேருடன்  காணாமல்போனதைக்  கண்டுபிடிக்கும்  பணியில்   ஈடுபட்டுள்ள  ஆய்வாளர்கள் அது  இந்தியப் பெருங்கடலின்  தென்பகுதி  நோக்கிப்  பறந்து  சென்றிருக்கலாம்  என்று  நினைப்பதாக  விசாரணைத்  தரப்புக்கு நெருக்கமான  ஒரு  வட்டாரம்  தெரிவித்தது.

முன் எப்போதுமில்லாத  வகையில், 27  நாடுகள், கேஸ்பியன்  கடலிலிருந்து  லாவோஸ்  வரையிலும்,  தெற்கே  இந்தோனேசியாவின்  மேற்குப்  பகுதியிலிருந்து  மேற்கு ஆஸ்திரேலியா  வரையிலும் காணாமல்போன  விமானத்தை  வலை  வீசி  தேடி  வருகின்றன. ஆனால், பலனில்லை.

“அது  தெற்கு  நோக்கிச்  சென்றிருக்கலாம்,  அதுவும்  தெற்குப்  பெருவெளியில்  கடைசிப்  பகுதிக்குச்  சென்றிருக்கலாம்  என்று  அனுமானிக்கப்படுகிறது”,  என  அவ்வட்டாரம்  கூறிற்று.

வடக்குப்  பெருவெளியில் உள்ள  நாடுகள்  விமானம்  தங்கள்  வான்வெளிக்குள்  வரவில்லை  என்று  கூறியிருப்பதாலும்  தெற்குப்  பெருவெளியின்  மேல்  பகுதியில்  உடைந்த  பகுதிகள்  எதுவும்  காணப்படாததாலும்  இந்த  அனுமானத்துக்கு  வந்திருக்கிறார்கள்  என்று  தெரிகிறது.