வெளியுறவு  அமைச்சு  மேற்கொண்ட  விடாமுயற்சியின்  காரணமாகத்தான்  அன்வார்  இப்ராகிம்,  பிப்ரவரி  26ஆம்  நாள்  எந்தப்  பிரச்னையுமின்றி ஜப்பானுக்குச்  சென்று  உரையாற்றித்  திரும்பிவர  முடிந்தது  என  வெளியுறவு  துணை  அமைச்சர்  ஹம்சா  சைனுதின்  கூறினார்.

மக்களவையில்  ஷம்சுல்  அகின் (பிகேஆர்- புக்கிட்  கட்டில்) கேட்டிருந்த  கெள்விக்குப்  பதிலளித்த  ஹம்சா, அமைச்சு  ஜப்பானிய  தூதரகத்துடன் தொடர்ந்து  தொடர்புகொண்டு  அன்வார்  பிரச்னையில்லாமல்  ஜப்பான்  சென்றுவர  ஏற்பாடுகளைச்  செய்து மொடுத்தது  என்றார்.

அதற்குமுன்  ஜனவரி  19-இல்,  அன்வார்  ஜப்பானுக்குச்  செல்ல  முற்பட்டபோது  தடுத்து  நிறுத்தப்பட்டார்.

“அன்வார்  மிகப்  பெரிய எதிரணித்  தலைவர்  என்பது  எங்களுக்குத்  தெரியும். ஜப்பானில்  பேசும்போது  நாட்டின் பெயரைப்  பாதுகாக்கும்  வகையில்  நாட்டை உயர்த்திப்  பேசுவார்  என்பதும்  எங்களுக்குத் தெரியும்”,  என்று  நக்கலாகக்  குறிப்பிட்டார்  ஹம்சா.