பாலியல் வல்லுறவை மலாய்க்காரர்-அல்லாதார் பெரிய குற்றமாகக் கருதுவதில்லை என்றுரைத்து சர்ச்சையை உண்டாக்கிய உள்துறை துணை அமைச்சர் வான் ஜுனாய்டி வான் ஜாப்பார், தம் கருத்தை நாடாளுமன்றக் பதிவேட்டிலிருந்து நீக்க வேண்டும் என்று கேட்டுக்கொண்டார்.
அக்கருத்து சிலரின் மனத்தைப் புண்படுத்தி இருக்கலாம் என்பதை அவர் ஒப்புக்கொண்டார். ஆனாலும், அதற்காக அவர் மன்னிப்பு கேட்கவில்லை.
அவைத் தலைவர் பண்டிகார் அமின் மூலியா அவரது கோரிக்கையை ஏற்றுக்கொண்டார்.
இனவாத கருத்தைத் தெரிவித்தற்காக அவரை உரிமைகள் மற்றும் சலுகைகள் குழு விசாரணைக்கு அனுப்ப வேண்டும் என சொங் ச்சியன் ஜென் (டிஏபி- பண்டார் கூச்சிங்) தீர்மானம் கொண்டு வந்தபோது வான் ஜுனாய்டி அவ்வாறு கேட்டுக்கொண்டார்.
“ஒருவேளை நான் அதிகப்படியாக பேசி இருக்கலாம். ஆனால், நான் ஓர் இனவாதி அல்ல. என் மனைவிகூட சீனர்தான்”, என்று வான் ஜுனாய்டி கூறினார்.
துணை அமைச்சரே , மற்றவர்களின் மனதை புண்படுத்தி இருக்கலாம் என்று உணர்ந்தமைக்கு – நன்றி என்று கூறுவது எங்கள் பண்பாடு ! முடியாது என்பதுதான் உங்கள் கலாசாரம் !!
காவல் துறை புள்ளிவிவரத்தில் மலாய்காரர்கள் செய்த புகார்களே அதிகம் , மற்ற இனத்தவர்கள் புகார் கொடுப்பது குறைவு – காரணம் அவர்களுக்கு அக்கறை இல்லை , உணர்வுகள் குறைவு , இது உங்கள் வாதம் ! அதேபோன்று , கள்ள உறவில் பிறந்த குழந்தைகளில் மலாய்காரகளின் குழந்தைகள் குறைவு – மற்றவர்களின் குழந்தைகள் அதிகம் !! இதுதான் உங்கள் ஆதங்கம் !! மலாய்கார பெண், சிசுவை கருவறையிலேயே கொலைசெய்த விபரம் உங்களிடம் உண்டா ?
அரசாங்கம் மற்ற இனத்தவரை ஓரக்கண்ணால் பார்ப்பதும் , மலாய்காரகளை தங்க தாம்புலத்தில் வைத்து அழகு பார்பதுவே முக்கிய காரணம் . ஆகவேதான் கவனத்தை திசை திருப்புகிறீர்கள் !!