எம்எச்370 விமானம்  காணாமல்போனதால்  ஏற்பட்ட நெருக்கடியை  இடைக்காலப்  போக்குவரத்து  அமைச்சர்  ஹிஷாமுடின்  உசேன்  திறமையாகக்  கையாள்வதாக  முன்னாள்  போக்குவரத்து  அமைச்சர்  ஒங்  தி  கியாட்  பாராட்டியுள்ளார். அதேவேளை,  மசீச  தலைவர்  லியோ  தியோங்  லாயை  மறைமுகமாக  குத்திக்காட்டவும்  அவர்  தவறவில்லை.

“நல்ல  வேளையாக  ஹிஷாமுடின்  போக்குவரத்து  அமைச்சராக  இருக்கிறார்…… பன்னாட்டு  ஊடகங்களை  நன்கு சமாளிக்கிறார்,  நன்றாக  பேசுகிறார். அவருடைய இடத்தில்  பேசும்  திறமையற்ற  வேறு  யாரும்  இருந்திருந்தால்  நிலைமை  மோசமாக இருக்கும்”,  என்று  ஒங்  கூறினார்.

லியோவைப்  பெயர்  குறிப்பிடவில்லையே  தவிர,  ஒங்  அவரை  மனத்தில் வைத்துதான்  அப்படிச்  சொன்னார்  என்பது  தெளிவு.  லியோ-வுக்கு  ஆங்கிலப்  பேச்சு  அவ்வளவாக  வராது. அடிக்கடி இடறி  விழுவார்.