மலேசிய தேசிய  விமானப் பயணப்  பணியாளர்  சங்கம் (நுபாம்) எம்எச்  பேரிடர்  தொடர்பில்  மலேசிய  விமான  நிறுவனத்தின்  தலைமை  செயல்  அதிகாரி  அஹ்மட்  ஜவுஹாரி  யாஹ்யா  பதவி  விலக  வேண்டும்  என்று  கோரிக்கை  விடுத்துள்ளது.

தொழிலாளர்  விவகாரங்கள்  தொடர்பில் அஹ்மட்  ஜவுஹாரியுடன்  நீண்ட காலமாகவே  பல   மோதல்களில் ஈடுபட்டு  வந்துள்ள  நுபாம், அவருடைய  பதவி  விலகல்  மக்களுக்கு  விமானப்  போக்குவரத்துமீது  மீண்டும்  நம்பிக்கையை  ஏற்படுத்தும்  என்று  கூறியது.

“அவர்  பொறுப்பில்  இருந்தபோதுதான் அந்த 370  விமானப்  பயணம்  துயரத்தில்  முடிந்தது  என்பதால்  அவர்  விலகி  மற்றொருவருக்கு  அப்பதவியைக்  கொடுப்பதுதான்  முறையாகும்”, என  நுபாம்  ஓர்  அறிக்கையில்  கூறிற்று.