காணாமல்போன  எம்எச் 370  விமானத்தைத்  தேடும்  பணியில் இஸ்லாமிய  நாடுகளின்  அமைப்பு  (ஓஐசி) அவ்வளவாக  உதவவில்லை  என்று  பெர்காசா  குறைகூறியுள்ளது.

நேற்று  வெளியிட்ட  அறிக்கை  ஒன்றில்  பெர்காசா  தலைவர்  இப்ராகிம்  அலி,  காணாமல்போன  விமானத்தைத்  தேடும்  பணியில்  உதவிய  26  நாடுகளுக்கு  நன்றி  தெரிவித்துக்  கொண்டார்.  அதேவேளை  ஒஐசி  கடப்பாடு  குறித்தும்  அவர்  கேள்வி  எழுப்பினார்.

“நம்  ஓஐசி  சகோதரர்கள்  எங்கே  போனார்கள்? இந்தத்  துயரச்  சம்பவத்தில்  உதவ  வேண்டுமே  என்ற  எண்ணம்  அவர்களுக்கு  வரவில்லையா?

“அவர்களுக்குப்  பேரிடர்  நிகழுங்காலத்தில்தான்  (முஸ்லிம்) சகோதரத்துவம்  பற்றிப்  பேசுவார்களோ?”,  என  இப்ராகிம்  வினவினார்.