பாலிங்கான்  இடைத்  தேர்தலில்  தகுதிபெற்ற  வாக்காளர்களில்  பாதிக்கு  மேற்பட்டோர்  வாக்களித்து  விட்டனர்.

காலை  மணி  11-க்கு, 13,233 வாக்காளர்களில்  7,085 பேர்  வாக்களித்து  விட்டனர்  என  உத்துசான்  மலேசியா  அறிவித்துள்ளது.

பாலிங்கானில்,  12-நாள்  பரப்புரைக்குப்  பின்னர்  இன்று  காலை  8மணிக்கு  வாக்களிப்பு  தொடங்கியது.

பாலிங்கான்  இடைத்  தேர்தல்  பிஎன்னின்  வேட்பாளர்  முன்னாள்  தாலாட்  மாவட்ட  அதிகாரி  யுஸ்ஸிப்னோஷ்  பாலோவுக்கும்  பிகேஆரின்  வேட்பாளரான  அப்துல்  ஜலில்  பூஜாங்குக்குமிடையிலான  நேரடிப்   போட்டியாக  அமைந்துள்ளது.

யுஸ்ஸிப்னோஷ்   பாலிங்கானைச்  சேர்ந்தவர். அப்துல் ஜலில்  பிந்துலுவைச்  சேர்ந்த  ஒரு  வணிகர்.

இன்றைய  இடைத்  தேர்தலில்  சுமார்  10,586  வாக்காளர்கள்  அதாவது  80  விழுக்காட்டினர்  வாக்களிப்பார்கள்  எனத்  தேர்தல்  ஆணையம்  எதிர்பார்க்கிறது.