மலேசியத் தமிழ்ப்பள்ளிகளுக்கான மேம்பாட்டுத் திட்ட வரைவு, பிரதமர் துறையின் கீழ் 2012-ஆம் ஆண்டு உருவாக்கப்பட்டது. உருவாக்கப்பட்டு இந்த ஆண்டோடு ஈராண்டுகள் ஆகிவிட்டன. இன்றைய நிலையில், இந்த மேம்பாட்டுத் திட்ட வரைவு உருவாக்கப்பட்டதன் நோக்கத்தை மீள்பார்வையிட வேண்டியது அவசியம் என்கிறார் செம்பருத்தி கட்டுரையாளர் தமிழினி.
மலேசியத் தமிழ்ப்பள்ளிகளுக்கான மேம்பாட்டு திட்ட வரைவு உருவாக்கப்பட்டதன் நோக்கம் கீழ்வருமாறு:-
- 1. தமிழ்ப்பள்ளிகளின் வளர்ச்சிக்காக அரசாங்க ஒதுக்கீட்டினைப் பகிர்ந்தளிப்பதற்குத் தொடர்புடையவர்களுடனும் இயக்கங்களுடனும் இணைந்து பணியாற்றுதல், துணைபுரிதல்
- புதிய 7 தமிழ்ப்பள்ளிகள் நிர்மாணிப்பதைக் கண்காணித்தல், துணைபுரிதல்.
- கல்விச்சட்டத்தில் குறிப்பிட்டுள்ளது போல, பள்ளிகளின் மேலாண்மை வாரியத்தைத் தோற்றுவிக்க தமிழ்ப்பள்ளிகளுக்குத் துணைபுரிதல்.
- குறைவான மாணவர்கள் எண்ணிக்கை கொண்ட தமிழ்ப்பள்ளிகள் எதிர்நோக்கும் சிக்கல்களை ஆராய்தல், இப்பள்ளிகளை இடமாற்றம் செய்ய விரிவான திட்டங்களை வரையறுத்தல்.
- தமிழ்ப்பள்ளிகள் எதிர்நோக்கும் பல்வேறு சிக்கல்களை ஆராய்தல், இச்சிக்கல்களுக்குத் தீர்வு காண கல்வி அமைச்சு மற்றும் பிற அரசாங்க இயக்கங்களோடு ஒத்துழைத்தல்.
- புதிய குடியிருப்புப் பகுதிகளில் தமிழ்ப்பள்ளிகள் நிர்மாணிப்பதற்கு வேண்டுகோள் விடுக்கும் பல அமைப்புகளை ஒருங்கிணைத்தல்.
- மலேசிய தமிழ்க் கல்வியோடு தொடர்புடைய அரசு சார்பற்ற இயக்கங்களுக்குத் துணைபுரிதல், இணைந்து செயலாற்றுதல்.
- தமிழ்ப்பள்ளிகளில் கற்றல் கற்பித்தலை மேம்படுத்த புதிய முயற்சிகளை உருவாக்குதல், நிருவகித்தல். (நன்றி: மயில் மாத இதழ்)
இந்த எட்டு முதன்மை நோக்கங்களை அடிப்படையாகக் கொண்டு உருவமைக்கப்பட்ட மலேசியத் தமிழ்ப்பள்ளிகளுக்கான மேம்பாட்டு திட்ட வரைவு இன்றைய நிலையில் எவ்வளவு தூரத்தைக் கடந்து வந்திருக்கிறது என்பதை மீள்பார்வை செய்ய வேண்டும். இதனை பேராசிரியர் என்.எஸ்.இராஜேந்திரன் முதன்மை ஒருங்கிணைப்பாளர் என்கிற முறையில் அதை அவரது கடமையாக எடுத்து செய்ய வேண்டும்.
பொதுமக்கள் குறிப்பாக தமிழ்ப்பள்ளிகள் தொடர்புடையவர்களிடம் கூட இந்த 2 ஆண்டுகளில் அடைந்த அடைவுநிலை குறித்து தெளிவான விளக்கத்தினை வழங்காததே விமர்சனத்திற்கான முக்கிய காரணமாகிறது என்கிறார் தமிழினி.
சரியான நேரத்தில் வெளியிடப்படாத விளக்கங்களால் மக்கள் ஒரு தனிநபர் அல்லது அமைப்பின் மேல் வைத்திருக்கும் நம்பிக்கை சீர்குலையும் என்பது வரலாறு. இலவு காத்த கிளியான அனுபவம் நமக்கு அதிகமாகவே உள்ளது.
காரணம் நமக்கு ஆற்றல் இல்லை என்பதல்ல – அம்னோ ஆதிக்கத்திற்கு அடிபணிந்து தலையாட்டுவதால் உரிமை என்பது சோரம் போகிறது என்கிறார் தமிழினி. அதனால்தான் இதற்கு முன்பு இருந்த தான் சிறி மாரிமுத்து, டத்தோ டெனிசன் போன்றவர்கள் கட்சி அரசியல் தாக்கத்தாலும், சந்தர்ப்ப சூழலுக்கு தகுந்தவாறு தலையை ஆட்டி, தங்களது பணியை தேவைக்கு உகந்த வகையில் சரியாகச் செய்யவில்லை.
இப்போது பேராசிரியர் இராஜேந்திரன் குழுவினரின் தொடர் நடவடிக்கைகளை மக்கள் தொடர்ந்து அவதானித்தபடியே இருக்கின்றனர். தமிழ்ப்பள்ளிகள் திட்டவரைவு மாநாட்டிற்குப் பிறகு நடந்தது என்ன என்ற கேள்வி தொடர்ந்து முன்வைக்கப்படுகிறது. பிப்ரவரி மாத மத்தியில் நடத்தப்பெற்ற அந்த மாநாட்டிற்கு பிறகு இறுதி திட்ட வரைவு சம்பந்தப்பட்டவர்களிடம் விரைவில் சமர்ப்பிக்கப்படும் என தெரிகிறது. அவ்வகையில் அது பாராட்டத்தக்கது.
ஆனால், வழக்கம்போல வீரியத்தோடு தொடங்கப்பட்டு பெட்டிக்குள் அடைக்கப்பட்ட எல்லா திட்டங்களைப் போல இந்த மேம்பாட்டுத் திட்ட வரைவும் ஆகிவிடக் கூடாது என்பதில் இம்முறை அனைவரும் விவேகமாக செயல்படும் தோற்றமும் தென்படுகிறது என்கிறார் அவர்.
நமக்கு தேவை 100 நாட்களுக்கு ஒரு முறை இக்குழு ஒரு மீள்பார்வை அறிக்கையை வெளியிட வேண்டும். அப்படிச் செய்தால் சமூகத்தின் அங்கீகாரமும் நம்பிக்கையும் அதிகமாகும். அதோடு எந்த அளவுக்கு செயலாக்கம் காணலாம் என்பதையும் உணரலாம்.
Education – it’s quality that matters – Malaysians should be alarmed that their children were doing worse in school than children in Vietnam, a country that is poorer than Malaysia. Malaysian students scored below average or ranked 52 out of 65. Our students ranked even lower than their Vietnamese counterparts who ranked 17 out of 65. – World Bank Economist Dr. Frederico Gil Sander, The Sun News paper – 1 April 2014.
தவறு! ஒட்டு மொத்தமாக அப்படிக் கூறுவது சரியல்ல! என். எஸ். ஆர். என்ன செய்வார்? பாவம்! அவரது திட்ட வரைவு செயலவையினரைப் பாத்தால் எந்த அளவுக்கு இந்த அறிக்கைக்கு மரியாதை கிடைக்கும் என்பதை உணரலாம்! எனவே, அடுத்த பொதுத் தேர்தல் வரையில் கிடப்பில் கிடந்து பின்னர் தேர்தல் சமயத்தில் தட்டி எடுக்கப்பட்டு ஒரு கண் துடைப்புக்கு, ஒட்டு பெறுவதற்காக, அதிலிருந்து எதையாவாது கிள்ளி கொடுத்து மீண்டும் நமக்கெல்லாம் அல்வா கொடுக்கவே இந்த அறிக்கை பயன்படலாம் என்ற அச்சம் எழவே செய்கிறது.! இதற்காகவாவது பரிந்துரைக்கப்பட்டுள்ள ‘100 நாள் அறிக்கை’ மிக அவசியமாகிறது! செய்வார்களா?
தமிழினி , உங்களுக்கு தமிழ்ப் பள்ளிகளுக்கான திட்ட வரைவைப் பற்றியா முழுமையான விவரங்கள் தெரியவில்லை போல் இருக்கிறது. அதன் தாக்கம் பல இடங்களில் தெரிகின்றது.
இந்த திட்டம் 2012 ஆம் ஆண்டு உருவாக்கப்பட்டது என்று கூறியுள்ளீர்கள். அது தவறு . அந்த திட்டத்தை வரைவதற்கு 2012 ஆம் ஆண்டு முனைவர் ராஜேந்திரன் தலைமையில் குழு ஒன்று அமைக்கப்பட்டது என்பதுதான் உண்மை. ஆகவே திட்டவரைவு 2 ஆண்டுகளுக்கு முன்பே இருந்தது என்பது போல கட்டுரை அமைந்துள்ளது தவறாகும். .அதோடு இது முழு வடிவம் பெறாத ஒரு திட்ட முன் வரைவுதான்,(Draft). இன்னும் முழுமையாக சரி பார்த்து அது பிரதமரிடம் வழங்கப்படவில்லை என்பதையும் தமிழினி தெரிந்து கொள்ளவேண்டும்.
இந்த திட்ட வரைவு முழுமையடந்தவுடன் அது கல்வி அமைச்சிடம் ஒப்படைக்கப்படும் என்று பிரதமர் அன்றே கூறிவிட்டார். அதனை செயல்படுத்த கல்வி அமைச்சினால் மட்டுமே முடியும். அதற்கு அரசியல் அணுகு முறையும் தேவை. தமிழ்ப் பள்ளிகள் பற்றியது என்பதனால் , ம.இ.கா.தான் கல்வி அமைச்சுக்கு தேவையான அழுத்தத்தைக் கொடுத்து அதனை செயல்படுத்த ஆவன செய்யவேண்டும் .
அதோடு , பேராசிரியருக்கு இடப்பட்ட பணியை அவர் செய்து முடித்துவிட்டதனால் அதனை மீள்பார்வை செய்யும் பொறுப்பு அவருடையது அல்ல . அத் திட்டத்தை செயல் படுத்த ஒரு வேளை அவரே நியமிக்கப்பட்டால் அது இன்னும் சிறப்பாக இருக்கும். திட்ட முன் வரைவு செய்யப்பட்டு இரண்டே மாதங்கள் மட்டுமே ஆகியிருக்கும் இவ் வேளையில் , மீள்பார்வை செய்ய இது சரியான தருணமன்று. அது செயலக்கம் கண்டு 2 அல்லது 3 ஆண்டுகளுக்குப் பிறகு அதனை நிபுணர் குழு ஒன்று ஆராய்வது பொறுத்தமாக இருக்கும்.
ஆகவே எடுத்துக் கொண்ட கரு சரியனது இல்லை என்ற காரணத்தினால், மற்ற பகுதிகள் குறித்து கருத்துரைப்பது தேவையில்லை என்று கருதுகிறேன்.
.
நமது பிரட்சனைக்கு தீர்வு காண நாதி இல்லையே . சாமிவேலு காலத்திலாவது தமிழ் பள்ளிக்கூடம் பற்றி நல்ல செய்திகள் வந்தன . இன்றைய ம ஈ கா என்ன செய்கிறது . கல்வி அமைச்சில் அந்த கா.மலம் வாய் திறக்குமா .
மதிப்பிற்குறிய திரு கோவிந்தசாமி அண்ணாமலை அவர்களுக்கு,
“தமிழ்ப்பள்ளி மேம்பாட்டுத் திட்ட வரைவு – காலத்தின் கட்டாயம், ஆனால்…” என்ற தலைப்பிலான கருத்துரையை வாசித்துவிட்டு கருத்துரைத்தமைக்கு நன்றி. அந்த திட்டத்தை வரைவதற்கு குழு ஒன்று 2012-ஆம் உருவாக்கப்பட்டது என்பதை நீங்களே ஒப்புக் கொள்கிறீர்கள். இந்த குழுவின் நோக்கம் திட்ட வரைவை உருவாக்கி சமர்ப்பிப்பது என்பது மட்டும்தானா! அப்படியானால் திட்டவரைவு உருவாக்கப்பட்டதன் பிற நோக்கங்கள் எதற்காக…
ஒரே ஒரு நோக்கத்தை மட்டும் எடுத்துக்காட்டாக எடுத்துக் கொள்வோம்…
1. புதிய 7 தமிழ்ப்பள்ளிகள் நிர்மாணிப்பதைக் கண்காணித்தல், துணைபுரிதல்.
இதனைக் கண்காணித்து, துணைப்புரிந்து அதன் தற்போதைய நிலை குறித்து விளக்குவது திட்ட வரைவுக் குழுவின் பணியல்ல என சொல்ல வருகிறீர்களா? எங்கே அந்த 7 புதிய தமிழ்ப்பள்ளிகள்? உங்களுக்கு ஏதேனும் தெரியுமா? அதை விடுவோம்.
இந்த இரண்டு ஆண்டுகளில் இந்த வரைவினை கொண்டு வருவதற்காக என்னென்ன நடவடிக்கைகள் மேற்கொள்ளப்பட்டன? அதன் வெளிப்பாடு என்ன? எல்லா தமிழ்ப்பள்ளிகளின் முழு தகவல்களையும் திரட்டிக் கொண்டிருந்தனரே? அது முழுமைப்படுத்தப்பட்டு விட்டதா? தமிழ்ப்பள்ளிகள் குறித்து ஏதேனும் ஆய்வுகள் மேற்கொள்பவர்களுக்கு அத்தகவல்கள் தேவைப்பட்டால் அவர்கள் அதை எங்கு போய் பெற்றுக் கொள்ளலாம்? ஏதேனும் அகப்பக்கம் அதற்காக உருவாக்கப்பட்டு இத்தகவல்கள் பதிவேற்றம் செய்யப்பட்டிருக்கின்றனவா?
இந்த இரண்டு ஆண்டுகளில் தீவிரமாக தமிழ்ப்பள்ளிகள் – தமிழ்க்கல்வி குறித்து சிந்திப்பவர்கள், செயல்படுபவர்கள் எத்தனை பேரை நீங்கள் சந்தித்திருக்கிறீர்கள் – அடையாளம் கண்டிருக்கிறீர்கள் – அவர்கள் ஒன்றிணைந்து செயல்படுவதற்கு ஏதேனும் செயல்திட்டங்கள் உருவாக்கப்பட்டிருக்கின்றதா – அவர்கள் எப்படியான பணிகளை முன்னெடுத்திருக்கிறார்கள் – உங்கள் பார்வையில் சிறப்பாக செயல்படும் பள்ளிகள் யாவை – அவற்றின் சிறப்பம்சங்கள் என்ன – அவற்றையெல்லாம் மற்ற பள்ளிகள் எவ்வாறு எடுத்துக்காட்டாக கொள்ளலாம் இது குறித்தெல்லாம் பொதுவில் பேச மாட்டீர்களா அல்லது பேச கூடாதா! அல்லது இவற்றையெல்லாம் நீங்கள் செய்வீர்கள் என எதிர்ப்பார்த்தது எங்கள் குற்றமா?
மலேசியா முழுமைக்கும் கூட்டங்கள் நடத்தி – ஒரு மாநாடு நடத்தி இந்த திட்ட வரைவை முழுமைப்படுத்த எத்தனை மாதங்கள் தேவை என்பதையாவது எங்களுக்குச் சொல்ல வேண்டும் இல்லையா? திட்டவரைவு ஒன்றும் இராணுவ இரகசியம் அல்லவே!
எனக்கு இன்னும் ஒரு கேள்வி:- மஇகா தேவையானதைச் செய்யவில்லை என்ற மாபெரும் குற்றச்சாட்டின் வெளிப்பாடு தானே இந்த திட்ட வரைவு:- இப்போது ஏன் மீண்டும் மஇகா.
ஐயா, இப்போதைய எங்களின் ஒரே நம்பிக்கை திட்ட வரைவுக் குழு மட்டுமே… அந்த நம்பிக்கை சீர்குலைந்துவிடக் கூடாது என்ற எதிர்பார்ப்பில்தான் தொடர்ந்து திட்ட வரைவு குறித்து பேசிக் கொண்டிருக்கிறோம். நன்றி.