எம்எச்370  விமானத்தைத்  தேடும்  பணி பற்றித்  தப்பான  தகவல்களை  வெளியிட்ட  ஊடகங்கள்மீது  சட்ட  நடவடிக்கை  எடுப்பது  பற்றி  அரசாங்கம்  அலோசித்து  வருகிறது.

“இதன்  தொடர்பில் ஆதாரங்களைத்  திரட்டும்படியும்  ஆலோசனை  தெரிவிக்கும்படியும்  சட்டத்துறைத்  தலைவருக்கு  அமைச்சரவை உத்தரவிட்டிருக்கிறது”, என  இடைக்காலப்  போக்குவரத்து  அமைச்சர்  ஹிஷாமுடின் உசேன்  ட்விட்டரில்  கூறினார்.

“தப்பான  தகவல்ளித்த”  உடகங்கள்மீது  அரசாங்கம்  “சட்ட  நடவடிக்கை  எடுக்க  வேண்டும்”  என்று  மலாய்  மெயில்  கூறி  இருந்ததைப்  பற்றிக்  கருத்துரைக்கையில்  அமைச்சர்  இவ்வாறு  குறிப்பிட்டார்.

“முதல் நாள்  தொடக்கம் வெளியான  தப்பான  தகவல்களை  எல்லாம்  தொகுத்து  வருகிறோம்.  சரியான  நேரத்தில்  அரசாங்கம்  அவர்கள்மீது  வழக்குத்  தொடுக்கும்”, என்றாரவர்.