எம்எச்370-இல் சிஐஏ,  மோஸாட்  போன்ற  உளவு  அமைப்புகளின்  கையாள்கள் பயணம்  செய்து  சதிநாச  வேலையில்  ஈடுபட்டிருக்கலாம்  என்று  புரளிகள்  பரப்பப்பட்டுவரும்  வேளையில்  பயணிகளில்  எவரும்  கடத்தலில்  அல்லது  கீழறுப்பு  வேலைகளில்  ஈடுபடவில்லை  என்றும்  அவர்களில்  எவரும்  ,மனநோய்  பிரச்னைகளையோ  தனிப்பட்ட  பிரச்னைகளையோ  கொண்டவர்கள்  அல்லர்  என்று  போலீஸ்  அறிவித்துள்ளது.

முன்சொன்ன  நான்கு அம்சங்களின்  அடிப்படையில் மலேசிய  விமான  நிறுவனத்தின்  எம்எச்370  விமானத்தில்  பயணித்த  227 பயணிகள்மீது  விசாரணை  நடத்தியதில்  அவர்கள்மீது  சந்தேகம்கொள்ள  எக்காரணமும்  இல்லை  என்பது  தெளிவாகி  இருப்பதாக போலீஸ்  படைத்  தலைவர்  காலிட்  அபு  பக்கார்  இன்று  கோலாலும்பூரில்  தெரிவித்தார்.

ஆனால்,  விமானி, துணை விமானி  உள்பட  விமானப்  பணியாளர்கள்மீது  வீசாரணை  தொடர்கிறது.