பிஎன்  அமைச்சர்  ஒருவர்  இன  அடிப்படையிலான  வாக்களிப்புத்தான்  மலேசியாவுக்கு  ஏற்றது  எனப்  பரிந்துரைத்திருப்பது  அந்த  அடிப்படையில்தான்  தேர்தல்  தொகுதிகள்  திருத்தி  அமைக்கப்படுகின்றனவோ  என்ற  கவலையைத்  தோற்றுவித்துள்ளது.

பிரதமர்துறை  அமைச்சர்  ஷஹிடான்  ஹஷிம்தான்  அப்படியொரு   பரிந்துரையை  முன்வைத்தவர்.

“அப்பரிந்துரை  அபத்தமானது. அதுவும்  ஓர்  அமைச்சர்  அப்படிச்  சொல்லியிருப்பது  கேவலமாக இருக்கிறது. ஏனென்றால்,  இது  இன  விவகாரத்தை  நிரந்தரமாக்கி  விடும்”,  என  பெர்சே  தலைவர்  மரியா  சின்  அப்துல்லா (இடம்)  கூறினார்.

ஷஹிடானின்  கருத்து, முன்னர்  ஒரு  சமயம் முன்னாள்  தேர்தல்  ஆணையத்  தலைவர்  அப்துல்  ரஷிட்  அப்துல்  ரஹ்மான்,   ஆட்சி அதிகாரம்  மலாய்க்காரர்களிடம்  இருப்பதை  உறுதிப்படுத்தும்  வகையில்  தேர்தல்  தொகுதிகள்  பிரிக்கப்பட்டதாகக்  கூறியதைப்  பிரதிபலிக்கிறது  என்றார்.