மலேசியாவுக்கான  சீனத்  தூதர்  ஹுவாங்  ஹுய்காங், எம்எச்370  நெருக்கடியைக் கையாண்ட விதம்  குறித்து  தம்  நாட்டு  அரசாங்கம்  மலேசியாமீது  கோபம்  கொண்டிருக்கவில்லை  என்றார்.

இன்று  செய்தியாளர்  கூட்டமொன்றில்  பேசிய  ஹுவாங்,  மேலை  நாட்டு  ஊடகங்கள்தான் சீன நாட்டுப்  பயணிகளின்  குடும்பத்தாரின்  உணர்வுகளைச்  சீண்டி  விட்டார்கள் என்றார்.

“சில  பொறுப்பற்ற  மேலைநாட்டு  ஊடகங்கள்  இழிவாக  நடந்து கொண்டிருக்கின்றன. தப்பான செய்திகளைப் போட்டார்கள்,  சச்சரவுகளைத்  தூண்டி  விட்டார்கள், வதந்திகளையும்  பரப்பினார்கள்.

“இவை  (பயணிகளின்) குடும்பத்தாருக்கு  ஆத்திரமூட்டலாம்.  இதனால் சீனாவுக்கும் மலேசியாவுக்குமிடையில் உறவுகள்  பாதிப்புறலாம்.  இதை  நாங்கள்  கடுமையாகக்  கண்டிக்கிறோம்”,  என்றாரவர்.