மலேசிய  விமான  நிறுவனத்தின்  எம்எச்370-ஐத்  தேடும்பணியில்  ஈடுபட்டுள்ள  அதிகாரிகள்  விமானத்தின்  கருப்புப்  பெட்டி  இருக்கும்  இடத்தை  ஏறத்தாழ  அடையாளம்   கண்டுகொண்டதாக  நம்புகிறார்கள்  என  ஆஸ்திரேலிய  பிரதமர்  டோனி  அப்பட்  இன்று  கூறினார்.

சீனாவின்  வணிக  மையமான  ஷங்காய்  நகரில்  அவர்  இதனைத்  தெரிவித்தார்.

ஆனால், தேடும்பணியை  ஒருங்கிணைக்கும்  ஆஸ்திரேலிய  நிறுவனத்துக்குத்  தலைமை  தாங்கும்  அங்குஸ்  ஹுஸ்டன், ஆகக்  கடைசியாக  செவிமடுக்கப்பட்ட  துடிப்பொலி  காணாமல்போன  விமானத்தின்  கருப்புப்  பெட்டியிலிருந்து  வந்ததாக இருக்கும் சாத்தியம்  இல்லை  என்கிறார்.

“எம்எச்370-ஐத்  தேடும்பணியில்  எனக்குக்  கிடைத்த  தகவல்களில்  புதிதாக  எதுவும்  இல்லை.  கிடைத்தால்  சொல்வேன்”,  என்றவர்  ஓர்  அறிக்கையில்  கூறினார்.