-டாக்டர் சேவியர் ஜெயக்குமார், ஏப்ரல் 13, 2014.
ஜயச் சித்திரைப் புத்தாண்டை வரவேற்கும் இந்நாட்டு இந்திய மக்கள் அனைவருக்கும் என் இனிய புத்தாண்டு நல்வாழ்த்துகளைத் தெரிவித்துக் கொள்வதில் மகிழ்ச்சியடைகிறேன்.
இந்த ஜயப் புத்தாண்டு, இந் நாட்டுக்கும், மக்களுக்கும், குறிப்பாக இந்தியர்களுக்கும், ஜெயத்தை அளிக்க வேண்டும் என்று வேண்டுகிறேன். நாட்டின் வளத்தில், வளர்ச்சியில் பங்குள்ளவர்களாக நம்மை மேம்படுத்திக் கொள்ள ஒவ்வொரு புத்தாண்டிலும் நாம் உறுதி எடுத்துக்கொள்ள வேண்டும்.
நாட்டின் 56 ஆண்டு கால வரலாற்றில் மிகச் சவாலான காலகட்டமான இதில், ஜயச் சித்திரைப் புத்தாண்டை எதிர்கொள்கிறோம். இஸ்லாமியர் அல்லாதவர்களின் அடிப்படை திருமண ஒப்பந்தம் மற்றுமின்றி அவர்களின் பிள்ளைகள் கூட அவர்களுக்கு சொந்தமில்லை என்ற அவலம், மலேசியாவின்றி எங்கு நடக்கும்? வன்முறைக்கு எதிராக .பாதிக்கப்படும் ஒரு தாய்க்கு பாதுகாப்பு வழங்க வேண்டிய போலீசாரே அதனை மறுக்கும் அவலம் எங்கு நடக்கும்? அப்படிப்பட்ட போலீஸ் தலைவரை நாடு இதுவரை கண்டதுண்டா?
இது போன்ற பற்பல மாற்றங்களை நோக்கி நாடு நகர்ந்து கொண்டிருக்கும் வேளையில், அநீதியை தட்டிக்கேட்கவும், சில மாற்றத்தினால் கிட்டவேண்டிய அனுகூலங்களின் பலனை மக்கள் அனுபவிப்பதையும் உறுதி செய்ய வேண்டியப் பொறுப்பு நமக்கு உண்டு.
நாட்டின் முன்னேற்றத்திற்கும், நாட்டு மக்களின் நல்வாழ்வுக்கும் நம் முன்னோர்கள் செய்த அர்ப்பணிப்பையும், தியாகத்தையும் மற்றவர்கள் மறந்து விட்ட இவ்வேளையில், நமது உரிமை குரல், பலமாக ஒலிக்க வேண்டும், விவேகமாக எடுக்கும் முடிவு, நமது தியாகம், எதிர்பார்ப்பு இரண்டும் என்னென்பதை மற்றவர்கள் உணரச் செய்யவேண்டும்.
நம் முன்னோர்கள் உழைப்பின் துணையுடன் இந்நாட்டின் எதிர்காலத்தை மாற்றினார்கள்., அவர்கள் அரும்பாடுபட்டு உருவாக்கிய இந்நாட்டில் நாம் நமது பங்கினைப் பெறத் தவறினால் அதற்காக நமது சந்ததி நம்மை நிந்திக்கும். ஆக, இந்த இனிய புத்தாண்டில் எல்லா இந்தியர்களும் ஒற்றுமையான விவேகமான செயல் மாற்றத்தினால் நமது உரிமையை, உயர்வை உறுதி செய்வோம்.
ஜயச் சித்திரைப் புத்தாண்டை ஜெயமளிக்கும் திருநாளாகக் கொண்டாடுவோம். விவேகமாகக் கடமையைச் செய்வோம், விரக்தியை ஜெய வெடிகொண்டு தகர்ப்போம். அனைவருக்கும் பக்காத்தான் சார்பிலும், கெஅடிலான் சார்பிலும் எனது ஜயச் சித்திரைப் புத்தாண்டு நல்வாழ்த்துகளைத் தெரிவித்துக் கொள்கிறேன்.
டாக்டர் சேவியர் ஜெயகுமார் அவர்களே உங்களது சேவைக்கு நான் தலை வணங்குகிறேன்.நீங்கள் ஆற்றிய 5 ஆண்டு சேவைக்கு மலேசியா தமிழர்களே மனதார பாராட்டுகின்றனர்.51 ஆண்டுலகளாக ம இ கா செய்ய தவறியதை 5 ஆண்டுகளில் சிலாங்கூர் மாநிலத்தில் நீங்கள் தான் செய்து காட்டினீர்கள்.அன்று உங்களை எதிர்த்த பூச்சொங்க் முரளி , சுபாங் ராவ் இன்று பத்திரிக்கை வாயிலாக நீலிக்கண்ணீர் வடிக்கின்றனர்.உங்களது சேவைக்கு நான் தலைவணங்குகிறேன்.
ஆனால் எப்படி திடீர் என்று ஜெய புத்தாண்டு வாழ்த்துக்கள் கூரினீர்கல் ?.தமிழனுக்கு விடி வெள்ளியாக பொங்கலே தமிழ் புத்தாண்டு என்று தமிழ் கூரும் நல உலகமே ஏற்றுக்கொண்டு விட்டது.அப்படி இருக்கையில் உங்களை போன்றவர்கள் தமிழர்களை மீண்டும் குலப்பக்கூடாது என்று தாழ்மையுடன் கேட்டுக்கொள்கிறேன்.1922 ஆம் ஆண்டில் 500 புலவர் பேரு மக்கள் ஒன்று கூடி பொங்கலே தமிழர் புத்தாண்டு என்று அதிகாரப்புர்வமாக அறிவித்து விட்டனர்.ஆனால் அது அதிகாரப்புர்வமாக தட்பொழுது தான் .தமிழர்கள் பல மதத்தை தழுவி இருந்தாலும் அனைவருக்கும் ஒரே புத்தாண்டு பொங்கல் புத்தாண்டு தான். தை மாதம் 14 ஆம் தேதியே நமது புத்தாண்டு என்பதை நாம் மீண்டும் மீண்டும் தமிர்களை குழப்ப வேண்டாம் என்று கேட்டுக் கொள்கிறேன்.
தெலுங்கு புத்தாண்டு , மலையாள புத்தாண்டு , சீன புத்தாண்டு , சித்திரை புத்தாண்டு ஆகியற்றிக்கு தொலைகாட்சி , வானொலி , ஆஸ்ட்ரோ இவற்றில் சத்தமிட்டு வாழ்த்து சொல்லும் படைப்பாளர்கள் ஏன் தமிழ் புத்தாண்டு வாழ்த்து மட்டும் சொல்ல மருக்கிரார்கள். தை மாதம் பொங்கல் வாழ்த்து மட்டும் சொல்லிவிட்டு தமிழ் புத்தாண்டு வாழ்த்து ஏன் சொல்வதில்லை.
இந்த நாட்டில் அதிகபட்சம் வாழும் தமிழர்களுக்கு ஏன் இப்படி ஒரு கொடுமை. எந்த அதிக்காரதில் உள்ளவர்கள் இதை செய்ய விடாமல் தடுக்கிறார்கள் . தமிழ் மக்களே கொஞ்சம் யோசியுங்கள்.
இலக்கியா அவர்களே, தமிழ் புத்தாண்டு என்று எதை குறிப்பிடுகிர்கள்? நம் தமிழ் புத்தாண்டு தை மாதமா அல்லது சித்திரை மாதமா? முதலில் இதற்கு விடையை தேடுங்கள். தை மாதம் வந்தால் இதுதான் தமிழ் புத்தாண்டு என்றும் சித்திரை மாதம் வந்தால் இதுதான் தமிழ் புத்தாண்டு என்றும் ஒரு தரப்பினர் கூறி வருகின்றனர். நம் தமிழர்களை முட்டாலாகும் நோக்கத்தில் செயல்படுகின்றனர் என்று தெள்ளதெளிவாக நமக்கு புரிகின்றது. மலேசியாவில் தூங்கி கிடக்கும் தமிழ் சங்கங்கள் இதற்கு ஒரு தெளிவான முடிவை எடுக்க பயபடுகிரர்களோ என்று என்ன தோன்றுகிறது.வேடிக்கை என்னவென்றால் ஒரு முறை இந்து சங்க தலைவர் சித்திரைதான் தமிழ்புத்தாண்டு என்று ஒரு தமிழ் நாளிதழில் அறிவித்திருக்கிறார்.இன்னும் தூங்கி கொண்டிருக்கும் தமிழ் சங்கங்களே இனியாவது இதற்கு ஒரு முற்றுப்புள்ளி வைப்பார்கள் என்று எதிர்பார்க்கின்றேன்.
இந்து சங்கம், ஆந்திரா சங்கமாக மாறி தமிழர்களுக்கு சித்திரை முதல் நாள்தான் தமிழ் புத்தாண்டு என்று சொல்லுவார்கள். அதை தமிழர்களும் கேட்டுக் கொண்டு ஆமாம் சாமி போட வேண்டுமா?. தமிழர்கள் ஒன்றும் கேனையர்கள் இல்லை என்று இந்து சங்கத்துக்கு நேரிடையாகவே தெரிவிக்கின்றேன். தைரியமிருந்தால் மறுமொழி கூறவும்.
நண்பர்களே தமிழாண்டு தைமுதல் நாள் தான் என்பதும் அதுதான் திருவள்ளுவராண்டு என்பதும் எல்லாருக்கும் தெரியும். நம் தமிழ் அரசியல் தலைவர்கள் இதை தொலை காட்சி, வானொலியில் வாழ்த்து சொல்ல உத்தரவு கொடுத்தால் யார் மறுக்க முடியும். ஏன் இதை செய்ய தயங்குகிறார்கள் ? தெலுங்கு தேசத்தை ஆண்ட சலிவகணன் என்ற மன்னன் தான் சித்திரையை தமிலான்டக கொண்டாட வேண்டும் என்றும் , கர்நாடாகவை சார்ந்த ஆரிய பெண்மணி ஜெயலலிதா அவர்கள் சித்திரைதான் தமிழாண்டு என்றும் , மலேசியாவில் இந்துமத தலைவர் சித்திரைதான் தமிழாண்டு என்றும் அறிக்கையிட என்ன காரணம் . ஏன் இதை தமிழ் இனம் சிந்திக்க மறுக்கிறது . தமிழ் நண்பர்களே சுதாரித்து கொள்ளுங்கள் .
ஒருவன் கூட வாய் திறக்கமாட்டான் தேனீ… அவர்கள் எல்லோரும் பின்னாலிருந்து காரியம் சாதிப்பவர்கள். தமிழன் என்று சொன்னால் தன்மானம் இருக்கவேண்டும்; இனமானம் இருக்கவேண்டும்; மொழி உணர்வு கட்டாயம் இருந்தே ஆகவேண்டும்.
” தேடிச் சோறு நிதந் தின்று
பல சின்னஞ் சிறுகதைகள் பேசி
மனம் வாடித் துன்பமிகப் பெற்று
பிறர்வாடப் பலசெயல்கள் செய்து
நரைகூடிக் கிழப்பருவம் எய்தி
கொடுங் கூற்றுக் கிரையெனப் பின் மாயும்
பல வேடிக்கை மனிதரைப் போலே
நான் வீழ்வேன் என்று நினைத்தாயோ? ” என்று தமிழன் ஒவ்வொருவருக்கும் உணர்வு கொப்பளிக்க வேண்டும்!
தேனீ முதலில் உன்னுடைய பூர்வீகத்தை கண்டுபிடி பிறகு
ஆஹா , என்ன அருமையான வார்த்தைகள் ஜெ.வி.பி.
செந்தில்,கவுண்டமணி நகைசுவையில் வரும் “அந்த ஒண்ணுதான் இது”
என்று ஒவ்வொரு ஆண்டும் தை,சித்திரை வந்தாலே சிக்கல். மேலே
உள்ளவர்கள் எல்லாம் தெளிவாக சொல்லிவிட்டார்கள்,வாழ்க !
இந்நாடு அச்சமூட்டும் இருண்ட பாதையை நோக்கி போய்க்கொண்டிருக்கின்றது என்பதற்கு ஐ.ஜி.பி யின் பேச்சு ஒரு எடுத்துக் காட்டு. இன்னும் 50 அல்லது 100 ஆண்டுகளில் இந்நாட்டில் மனித உரிமை அற்ற மத சாம்ராஞ்சியம் கை ஓங்கும் என்பது என் கணிப்பு. மத வெறியர்களின் காலை நக்கி பிழைப்பு நடத்தக் கூடிய அரசு தோன்றும் காலம் அபாயகரமானது..
தேனி அவர்களே.அன்று தமிழர்கள் வகித்து வந்த பதவிகளெல்லாம் இன்று தெலுங்கர்கள் ஆதிக்கத்தில் வந்து விட்டது.இதற்க்கு என்ன காரணம்? தமிழர்களாகிய நாம் மற்றவருகளுக்கு விட்டுகொடுக்கும் மனப்பான்மையை கொண்டிருக்கிறோம். இதையே தெலுங்கர்கள் வகிக்கும் பதவியை அவர்கள் நம்மிடம் விட்டுக்கொடுப்பர்கள? சற்று சிந்தியுங்கள். ஒரு தமிழன் விற்று சென்ற பதவியை இன்னொரு தமிழன்தான் அந்த பதவியை வகிகக வேண்டும். இன்னும் சொல்ல போனால் எம்மதமும் சம்மதம்,நாமெல்லாம் ஒன்று,அண்ணன் தம்பியை போல பழகுகிறோம் என்று பேசிகொண்டிருக்காமல் தமிழர்களாகிய நாம் அவர்களிடம்மிருந்து சற்று தள்ளியே இருக்கவேண்டும்.நம் தமிழ் புத்தாண்டையே மாற்றும் அளவுக்கு அவர்கள் வலிமை படைத்து விட்டர்கள்.என்ன மகன் தமிழ் பள்ளியில்தான் பயில்கிறார். கடந்த வெள்ளிக்கிழமை பள்ளியில் கொடுக்கபட்ட ஒரு அறிக்கையை என்னிடம் கொடுத்தார்.அதில் வரும் திங்கள் 14-04-2014 தமிழ் புத்தாண்டு என்றும்,அன்று பள்ளிக்கு விடுமுறை அறிவித்து உள்ளனர்.தமிழ்பள்ளி ஆசிரியர்களே இப்படி செய்தால் இவர்களை என்னவென்று கூறுவது?
தை பிறந்தால் தமிழ்ப் புத்தாண்டு.சித்திரை பிறந்தால் அறுபது ஆண்டுகளில் ஒன்றான ஹிந்துப் புத்தாண்டு. இதையாவது ஏற்றுக்கொள்ளலாமா?
நுருல், எம்முடையை 6 தலைமுறைக்கான எழுத்துப் பூர்வமான ஆதாரங்கள் எம்மிடம் உள்ளது. இதற்காகவே 1987-ல் தமிழ்நாட்டுக்கு பிரயாணம் செய்து எமது பூர்வீகத்தை அங்கு இருந்த ஆவணங்களின் வழி அறிந்து குறிப்பெடுத்து வைத்துள்ளேன். மூன்று தலைமுறையாக பாகப்பிரிவினை செய்யப்படாத எமது முப்பாட்டனின் அசையா சொத்தையும் எமது பெயரில் பத்திரம் எழுதி பதிவு செய்து விட்டுதான் வந்தேன்.
சித்திரைப் புத்தாண்டு என்பது தமிழ்நாட்டுப் பார்ப்பணர்களின் புத்தாண்டு. இது ஒர் ஆபாசப் புத்தாண்டு. தன்மானமுள்ள தமிழனுக்கு இது புத்தாண்டு அல்ல. ஜெவியர் பார்பணப்புத்தாண்டில் பார்ப்பணருக்கு வாழ்த்து சொல்லியுள்ளார் போலும்!
சித்திரை புத்தாண்டு என்பது சோதிடக்கலையின் அடிப்படையில் வந்தது. சோதிடக்கலை ஒரு தனித்துவம் பெற்ற வானவியல் ஆராய்ச்சிக் கலை. இதற்கும் சமயத்துக்கும் ஆதியில் சம்பந்தம் இல்லை. பிற்காலத்தில் வைதீக மரபின் ஒரு அங்கமாக இந்த சோதிடக்கலை ஏற்றுக் கொள்ளப்பட்டது. அதன் அடிப்படையிலேயே சோதிடக்கலை வைதீக பண்பாடாகி வைணவ மதத்திற்குள் நுழைந்தது. சடப் பொருளாகிய கிரகங்களுக்கு “பகவான்” என்று இடைச் சொல்லைச் சேர்த்து “சூரிய பகவான்”, “சந்திர பகவான்” என்று உயிரற்ற கிரகங்ககளையும் தெய்வமாக்கி விட்டனர். அப்புறம் என்ன நம்ம மடச் சாம்பிராணிகள் ஊழ்வினைக்குப் பயந்து “பரிகாரம்” என்ற பெயரில் உயிரற்ற நவகிரகங்களை சுற்றி வந்தால் ஊழ்வினைப் பிணி நீங்கி விடும் என்ற ஒரு நப்பாசையில் சுற்றி வர ஆரம்பித்து விட்டனர். அந்த அளவுக்கு எதை எதற்கு செய்கின்றோம் என்று சிந்தித்து அறிய இயலாத மூட நம்பிக்கையை திணித்து தமிழர்களை ஜடமாக்கி விட்டார்கள் ஆரியர்கள். செய்வதை அறிந்து செய்வது அறிவார்ந்த தமிழர்களுக்கு அழகு. சித்திரைப் புத்தாண்டு என்று சொன்னாலே போதும். அதில் தமிழையும், இந்துவையும் சேர்த்து ஏன் குழப்பிக் கொள்ள வேண்டும்?.
தை பிறந்தாலும் சரி ! சித்திரை பிறந்தாலும் சரி , இதே தொல்லயாபோச்சி ! தை முதல் நாள் தமிழரின் புது வருடம் ( சீன புத்தாண்டுபோல் ) சித்திரை முதல் நாள் ஹிந்துக்களின் புது வருடம் , இதை தமிழன் காதில் ஈயத்தை காச்சி ஊற்றினால் ஏற மாட்டுது சாமி ! மின்னல் fm மில் இன்று காலையில் மாரியம்மன் தலைமை குருக்கள் தமிழ் புத்தாண்டு என்று உளறி என்னை காலையில் கடுப்பு ஏத்தி விட்டார் , ஆமாம் தமிழன் இல்லையென்றால் உங்கள் பிழைப்பு நாறிவிடும் அல்லவா !
தோழர்களே, நாம் பொது எதிரியை விட்டு விட்டு, மிக மோசமான உட்பூசல்களை தொடர்ந்து வளர்ப்பதிலேயே குறியாய் இருக்கிறோம் என்பதற்கு மேலே காணும் கருத்தாடல்கள் சான்று. சேவியர், சித்திரை புத்தாண்டு வாழ்த்து சொன்னது பெரிய விஷயமல்ல. இந்துக்களில் பெரும்பகுதியினர் அந்த நாளை நன்னாளாக கொண்டாடும் வழக்கம் இன்னும் முற்றாக அழிந்து விட வில்லை. அல்லது தை திங்கள் தமிழர் புத்தாண்டு என்னும் கொள்கையும் இன்னும் அனைவராலும் ஏற்றுக் கொள்ளவும் படவில்லை. ஆகவே சித்திரையை ஏற்காதோர் அமைதி காப்பதே நல்லது. ஆனால் அவர் தன் வாழ்த்தில் கூறிய முக்கிய தகவலே அனைவரும் கவனிக்க வேண்டியது. எந்த நாட்டிலும் இல்லாத அளவு நம் நாட்டில் சட்டம் மத வெறியர்கள் கையில் சிக்கி இருப்பதை போலீஸ் படை தலைவரின் கூற்று காட்டுகிறது. தான் எந்த சட்டத்தின் கீழ் பணிபுரிகிறோம் என்ற தெளிவும் இல்லாதவரின் பேச்சு மிக ஆபத்தான கால கட்டத்தைக் காட்டுகிறது. ஒரு போலீஸ் தலைவனின் சிந்தனையே இவ்வாறு இருந்தால் சராசரிகளின் சிந்தனை எப்படி இருக்கும் என்பது சிந்திக்க தக்கது. மத வெறி சட்டத்தின் கண்களையும் அரசின் கண்களையும் மூடி வருவதையே சேவியர் கவனப்படுத்துகிறார். ஆகவே தையா? சித்திரையா? தமிழனா? தெலுங்கனா? பார்ப்பானா? என்றெல்லாம் உட்பூசல் குழாய்அடி சர்ச்சைகளை நிறுத்திவிட்டு மத வெறிக்கு எதிரான கருத்துகளை மட்டும் இங்கு பதிப்பது அறிவுடமை
பினாங்குகாரர் சரியாக சொன்னார், நன்றி. தயவு செய்து, எப்படிப்பட்ட இக்கட்டான சூழ்நிலையில் சமுதாயம் இருக்கிறது இவ்வேளையில் கவனத்தில் கொள்ள வேண்டியது என்ன என எச்சரிக்கிறார். அவரின் சேவைகள் திட்டங்கள் எல்லாம் ஏழைத்தமிழர்களுக்கு நிறைய பயனை கொண்டு வந்துள்ளது என்பது உண்மை. திரு .தென்னாலி கூறியது போல். ஆட்சிக்குழு உறுப்பினராக நல்ல ஒரு தமிழனின் அருமையான சேவையை மாநில இந்தியர்கள் இழந்துவிட்டனர். சேவியரின் வாழ்த்து செய்தியை குறிப்பாக போலீஸ் தலைவரின் கூற்றை அப்படியே வெளியிட்டுள்ள புதிய பார்வை ஆசிரியர் ராஜனுக்கு பாராட்டுகள். ஆனால் நண்பன் பத்திரிக்கைக்கு , இஸ்லாமியர் அல்லாதார் இழக்கும் உரிமை மீது எவர் எழுதினாலும் அதனை இருட்டைப்பு செய்து வருகிறது. அதில் சேவியரின் வாழ்த்து செய்தி இல்லை என்பதனை விட நமது பணத்தில் வாழ்ந்தாலும் நமக்கு விஷியத்தை விட விசத்தை வழங்குகிறது. ஆக, உள் சண்டையை நிறுத்திக் கொண்டு, நண்பன் பத்திரிக்கை போன்ற இதழ்களை புறக்கணிக்கும் கருத்துகளை ஒன்றுப்படுத்தவேண்டும்.
ஏம்பா, இப்படி கடிச்சிக்கிறீங்க! அவர் அரசியல்வாதி. சித்திரைப் புத்தாண்டுக்கும் வாழ்த்து தெரிவிப்பார். தை மாதத்திற்கும் வாழ்த்து தெரிவிப்பார். பொங்கலுக்கும் வாழ்த்து தெரிவிப்பார். அரசியல்வாதிகள் தாங்கள் இன்னும் இருக்கிறோம் என்பதை ஞாபகப் படுத்த இந்த வாழ்த்துகள். அவரைப்பற்றி நீண்ட நாட்களாக ஒன்றுமே தெரியவில்லை. இப்போது தானே அவர் இருக்கிறார் என்று தெரிகிறது! ஒரு நல்ல சேவையாளனை நாம் தானே முடக்கி விட்டோம்!
அவ்வகையில், புராணக் கதையின்படி ஒரு காலத்தில் நாரத முனிவர் காமம் மேலோங்கி அலைந்தபோது அவருக்கு அறுபதினாயிரம் கோபியரோடு கொஞ்சிக் குலாவும் கிருஷ்ண பகவான் நினைவு வந்ததது. நேராக அவர் முன் போய் “‘கிருஷ்ணா, சதா கோபியரோடு கொஞ்சி இன்பம் அனுபவிக்கும் தேவனே, எனக்கு யாராவது ஒரு கோபியைத் தந்து எனது காம இச்சையைத் தீர்த்து வைக்க வேண்டும்”; என வேண்டினார்.
அதற்குக் கிருஷ்ண பரமாத்மா ”நாரதரே, எந்தவொரு பெண்ணின் மனதில் நான் இல்லையோ அந்தப் பெண்ணை நீ அனுபவித்துக்கொள்” என ஆறுதல் மொழி கூறினார்.
ஆண்டவன் அருள்வாக்கு அருளப்பெற்ற நாரதர் வீடு வீடாய் (நாயாய்) அலைந்தார். அனைத்துப் பெண்கள் மனதிலும் கிருஷ்ணனே நீக்கமறக் குடி கொண்டிருந்தார். ஒரு கோபியும் அதற்கு விதி விலக்கல்ல. ஏக்கமும், ஏமாற்றமும் அடைந்த நாரதர் மானம், வெட்கம் எல்லாவற்றையும் தொலைத்து விட்டு மீண்;டும் கிருஷ்ண பரமாத்மாவிடமே வந்தார்.
‘கிருஷ்ணா! எல்லாக் கோபியர் மனதிலும் தாங்களே இருக்கக் கண்டேன். தேவரீர் என்னை இவ்விதம் சோதிக்கலாமா? காம வேட்கை எனை வாட்டுகிறது. என்னைப் பெண்ணாக மாற்றி நீரே என்னை அனுபவித்து என் வேட்கையைப் போக்க வேண்டும்”‘ என வேண்டி நின்றார்.
பரிதாபப் பட்ட பகவானும் அவ்விதமே நடப்பதாகக் கூறி, நாரதரைப் பெண்ணாக்கி அவரோடு கலந்து அறுபது குழந்தைகளைப் பெற்றார்.
அந்த அறுபது குழந்தைகள் தான் பிரபவ முதல் அட்சய வரையிலான ஆண்டுகள். அந்தப் பெயர்கள் ஒன்றேனும் தமிழ் அல்ல. அறிவுக்கும் அறிவியலுக்கும் ஒவ்வாத இவ்வாண்டு முறை வரலாற்றுக்கு உதவாத வகையில் உள்ளது.
இந்த அறுபது ஆண்டுகளின் பெயர்களை ஆத்திரம் கொள்ளாமல் ஆன்மீகத் தமிழர்கள் ஆர அமர அலசிப் பார்க்கவேண்டும். இப்படிப்பட்ட ஆபாச ஆண்டை தமிழர்களின் ஆண்டாக ஒப்ப எப்படித்தான் தமிழர்களுக்கு மனம் வருகிறதோ தெரியவில்லை. அன்மையில் ஆணும் ஆணும்…… எனும் சட்டத்தை அங்கீகரித்த மேலைநாடுகளைக் காய்ச்சியெடுத்த தமிழர்களே.. உங்களின் சித்திரைஆண்டுகளின் சரிதத்தில் ஆணும் ஆணும் கூடிய செயலைப் பாரீர் (சாதாரமான ஆண்கள் அல்லர் பகவானே…)
– நன்றி இரா.மகாதேவன்
திரு.ஜெகவீரபாண்டியன் அவர்களே…. அப்படினா தமிழில் எத்தனை ஆண்டு கணக்கிடப் பட்டுள்ளது? அந்த ஆண்டுகள் எல்லாவற்றிக்கும் பெயர் இருக்கிறதா? என்ன பெயர்கள்? அதற்கு ஏதும் புராணங்களோ / சரித்திரக் கதைகளோ உண்டா? கொஞ்சம் இரா.மகாதேவன் அவர்களை கேட்டு சொல்லுங்கள்.? தமிழ் தமிழ்னு முழங்கினா பற்றாது அது உணர்வுளையும் உயிரிலும் கலந்திருக்க வேண்டும். ரெண்டு பெரும் சொந்த பேரோ / புனைப் பேரோ அதைகூட சமஸ்கிரதத்தில் இருந்துதான் இரவல் வாங்க வேண்டி இருக்கு என்ன செய்ய ” படிச்சவன் பாட்டை கெடுத்தான் எழுதினவன் ஏட்டைக் கெடுத்தான். ” எல்லாருடைய கருத்தை விட பினாங்குக்காரன் கருத்தை படிச்சவுடன் எனக்கு கன்னத்தை “பளார்னு” அறைந்த உணர்வு. எது முக்கியமோ அதை விட்டு விடுகிறோம் எது தேவை இல்லையோ அதை நோண்டி பெரிதாக்குகிறோம்..எப்படி திண்ணைப் பேச்சும் புரணிப் பேச்சும் நம்மை நட்டாற்றில் விட்டதுதான் மிச்சம். சீக்கியரும் இப்போழுது தெலுங்கர்களும் நம்மை மிஞ்சி எங்கோ பொய் கொண்டிருக்கிறார்கள். வருடம் வருடம் சங்க வளர்ச்சி அது இதுன்னு அரசுகிட்ட சன்மானம் வாங்கி அவுங்க கோலோச்சிராங்க நாம வருஷம் சரி இல்லை : வாழ வழி இல்லை..னு நோக்காடு சொல்லிக் கொண்டிருக்கிறோம்…
அய்யா வீரசேனன் … என் தந்தை பெரிய தமிழ்ப் புலவனோ அல்லது அறிஞனோ அல்லர்.அவர் எனக்கிட்ட பெயரில் வடமொழி வாசம் ஒட்டியுள்ளதை நான் அறியாதவனும் அல்லன். அதை தூக்கி வீச அதிக நேரமாகாது. என் தகப்பனை இன்னும் மதிக்கிறேன். முக்கிய ஆவனத்திலெல்லாம் உள்ள என் பெயரை எப்படி அகற்றுவது? நான் புனைப்பெயரில் டபுள் எக்டிங் கொடுக்க வில்லை என்பதை உங்கள் கவனத்திற்கு கொண்டுவருகிறேன். ஆக, இரா.மகாதேவனுக்கும் எனக்கும் எந்த ஒட்டும் இல்லை உறவும் இல்லை. அவருடைய பதிவில் உள்ளதை உம்மைப்போன்றவர் அறியவே இங்கு மறுபதிவுசெய்தேன். அவரும் புராணத்தில் உள்ளதைத்தான் படம்பிடித்திருக்கிறாரேயன்றி அது அவரின் சொந்த கற்பனையோ அல்லது சொந்த சரக்கும் அல்ல. அந்த அளவிற்கு ஆபாசமாக கற்பனை செய்யும் அளவிற்கு முட்டாள்தனங்கொண்ட மதவாதியும் அல்லர். மாறாக தமிழன் விழிப்புணர் கொண்டு அறிவுபூர்வமாகப் புத்தாண்டைக் கொண்டாட வேண்டும் என்றும், எது தமிழ்ப்புத்தாண்டு என்பதை அடையாளம் கண்டுகொள்ளவேண்டும் எனும் கடப்பாட்டில் வெளியிட்ட பதிவாகும். எங்களின் பெயரில் உள்ள வடமொழியை குத்திக்காட்டும் அன்பான வீரசேனரே… தங்களின் பெயரில் உள்ள வடமொழியை எந்த வகையில் சேர்த்துக்கொள்ளப்போகிறீர்கள் என்பதையும் செம்பருத்தி வாசகர்களுக்கும் கருத்தாளர்களுக்கும் தயவுசெய்து விளக்குவீராக. அடுத்து, இங்கே குறிப்பிட்ட ஆண்கடவுளும் நாரதனும் புணர்ந்து பெற்றதாகப் புராணம் காட்டும் ஆண்டுகள் 60ம் தமிழகப் பார்ப்பணர்களின் சித்திரைப் புத்தாண்டுகளாகும். அதன் பெயர்கள் உண்மையிலேயே உங்களுக்குத் தெரியாதா? அல்லது தெரிந்துகொண்டே என்னை சோதிக்கிறீரா? அறுபது ஆண்டுகளையும் பட்டியலிடத்தான் வேண்டுமா? அய்யா வீரசேனரே… இதுகூட தெரியாமல் இந்தப் பகுதிக்கு நான் வந்திருப்பேன் என்று நீங்கள் நினைத்தால் அது நிச்சயமாக என்னுடைய அறியாமையாகாது. வெறும் வாயில் அவல்மெள்ளும் பேர்வழியல்ல நான் தமிழ்!தமிழ்! என்று முழங்குவதற்கு. எனவே இரா.மகாதேவனை கேட்டுத்தான் உமது கேள்விக்கு பதில் எழுத உமது கேள்வி அப்படி ஒன்றும் எனக்குக் கடினமுமல்ல. பதில்சொல்ல வந்த நான் அறிவிலியுமல்லன். முதலில் நீர் பச்சைத்தமிழனா? இல்லை எனில் என் பதிலில் கொஞ்சம் காரத்தை சேர்க்கவேண்டி இருக்கும். இவ்வளவு அறிவுக்கான தொடர்பு சாதனங்கள் இருந்தும் எம்மினத்தான் அறியாமையில் ஆபாசப் புத்தாண்டாம் சித்திரைப் புத்தாண்டைத் தமிழ்ப்புத்தாண்டு என மயக்கத்தில் வாழ்கிறானென்றால் உம்மைப்போலவும் பினாங்குக்காரரைப்போலவும் இலகுவாக எடுத்துக்கொள்ள எம்மால் இயலாது. என்னைப் பொறுத்தவரை இந்த நாட்டை ஆள்பவர்களைவிட மதவெறிபிடித்த பார்ப்பணனும் பார்ப்பணியமும்தான் தமிழனின் பல நூற்றாண்டு எதிரி. தமிழனைக் கருவறுத்தவன்;கருவறுத்துக்கொண்டிருப்பவன். உங்களைப்போல இந்தப் பார்பணியத்தை உட்பூசல் என்று கருதியதால்தான் ஆரியம் தமிழனின் தலையை இன்னும் மிதித்துக்கொண்டு இருக்கிறது. வீரசேனரே… தைப்புத்தாண்டிற்கு கற்பனைக் கதைகளுமில்லை, ஆபாசப் புராணங்களுமில்லை.தன்மானத் தமிழ்ப்புத்தாண்டிற்கு , தைப்புத்தாண்டிற்கு அவை தேவையும் அல்ல!
நல்ல வேளை இன்று அஸ்ட்ரோ விழதுகள் நிகழ்ச்சியை படைததவர்கள் இன்றைய தினத்தை சித்திரைப புத்தாண்டு வாழ்துக்கள் என்று கூறினார். அவர்களுக்கு இந்த வேளையில் நான் நன்றியையும் பாராட்டுகளையும் கூறிகொள்ள விரும்புகிறேன்.
ஜெக வீரரே.. நீங்கள் வீரசேனன் கருத்தை மறுக்க என்னை இழுக்க வேண்டாம். நான் எதையும் இலகுவாக எடுத்துக் கொள்ளவில்லை. ஆனால் இந்த பதிவின் அடிப்படை தேவை சேவியர் முன் வைத்த தகவலை சார்ந்து இருப்பதே நல்லது. மதவெறி உச்சத்தில் இருக்கும் சூழலை பற்றி நாம் பேசாமல் எங்கெங்கோ நழுவி போகிறோமே என்பதே என் கவலை.