காணாமல்போன  எம்எச்370  விமானத்தைத்  தேடும்பணி பெர்த்துக்கு  வடமேற்கே கிட்டத்தட்ட  1584 கிலோ  மீட்டர்  தொலைவில்  இன்று  தொடரும்  என  ஆஸ்திரேலியாவில்  உள்ள  கூட்டு  ஒருங்கிணைப்பு  மையம் (ஜேஏசிசி)  அறிவித்துள்ளது.  11  விமானங்களும்  11  கப்பல்களும்,  49,567 சதுர  கிலோ  மீட்டர் கடல்பரப்பில்  தேடும்  பணியை  மேற்கொள்ளும்.

சிறு  நீர்மூழ்கிக்  கப்பலான  புளுஃபின் -21  கடலடியில் தேடுவதற்காக  நிர்ணயிக்கப்பட்ட  பகுதியில் 90 விழுக்காட்டைத்  தேடிப்பார்த்து  விட்டது. இதுவரை  எந்தத்  தடயத்தையும்  காணவில்லை.

இதனிடையே, நேற்று,  ஆஸ்திரேலிய கடலோரம் சில  பொருள்கள்  ஒதுங்கியதாக  அறிவிக்கப்பட்டது   மிகுந்த  ஆர்வத்தை  உண்டுபண்ணியது.  ஆனால், அவற்றுக்கும்  எம்எச்370-க்கும்  தொடர்பில்லை என்பதை  ஜேஏசிசி  உறுதிப்படுத்தியது.