முறையீட்டு நீதிமன்றம், வரலாற்றுச் சிறப்புமிக்க ஒரு தீர்ப்பை இன்று வழங்கியது. பேரணி நடத்துவது பற்றி 10 நாள்களுக்கு முன்னதாகவே தெரியப்படுத்தாத குடிமக்களைத் தண்டிக்கும் அமைதிப் பேரணிச் சட்டம் (பிஏஏ) பகுதி9 (5), அரசமைப்புக்கு விரோதமானது என அது கூறியது.
இத்தீர்ப்பை வழங்கிய மூவரடங்கிய நீதிபதிகள் குழு, பிஏஏ-இன்கீழ் சிலாங்கூர் சட்டமன்றத் துணைத் தலைவர் நிக் நஸ்மி நிக் அஹ்மட்மீது சுமத்தப்பட்டிருந்த குற்றச்சாட்டையும் தள்ளுபடி செய்தது.
நீதிபதிகள் குழுவுக்குத் தலைமைதாங்கிய நீதிபதி முகம்மட் அரிப் முகம்மட் யூசுப், அமைதிப் பேரணியைச் சட்டவிரோதமானது என்று அறிவிக்கும் அதிகாரத்தை அச்சட்டம் அதிகாரிகளுக்கு அளிக்கவில்லை என்றார்.
சோழியன் குடுமி சும்மா ஆடாதப்பா!. அன்வாரின் ஓரினப் புணர்ச்சி மேல்முறையீட்டில் நீதிபதிகளின் மின்னல் வேகத் தீர்ப்பின் எதிரொலியாக நாடாளுமன்றத்தில் மேல் முறையீடு நீதிமன்ற நீதிபதிகளின் நடவடிக்கையைக் கேள்விக் குறியாக்கி விவாதிக்க ஒரு பிரேணனை (“Motion”) அமரர் கர்பால் நாடாளுமன்றத்தில் முன் வைத்தாரே நினைவிருக்கா?. அதனை விசாரணைக்கு ஏற்றுக் கொள்ளாமலே கடந்த நாடாளுமன்ற கூட்டத் தொடர் ஒத்தி வைக்கப் பட்டது நினைவிருக்கா?. அடுத்து வரும் நாடாளுமன்றக் கூட்டத்திற்கு முன்பே அதற்கான தற்காப்பு அரண்களை வலுபடுத்த என்ன வேண்டுமோ அதுவே இப்புதிய தீர்ப்பின் நாடக அரங்கேற்றம் என்று அறிக. எப்படி அன்வாரை போட்டியிடாமல் தடுக்க இடைத்தேர்தல், பல ஆண்டு வரலாற்றில், அதிக நாட்கள் கடத்தி நடத்தப் பெற்றதோ, அதைப்போலவே அடுத்து வரும் நாடாளுமன்றக் கூட்டத் தொடரில், நீதிபதிகளைத் தர்காக்க தேவையான எடுத்துக் காட்டுகளை முன்னுதாரணமாக வைக்க வேண்டி வந்த தீர்ப்பு என்று அறிக. வாழ்க பணநாயகம்.