நேற்று, மலேசியா, எம்எச்370 காணாமல் போனபின்னர் நடந்தவற்றை விவரமாக விளக்கும் அறிக்கையை வெளியிட்டது. அவ்வறிக்கை, பாதையை விட்டு விலகிய விமானம் சென்றிருக்கக் கூடிய திசையை விவரித்ததுடன் விமானம் காணாமல் தெரிந்ததும் குழப்பம் நிலவியதாகவும் குறிப்பிட்டது.
விமானம் காணமல் போனதற்கும், தேடும்பணியைத் தொடங்க முடிவெடுப்பதற்குமிடையில் நான்கு மணி நேரம் கடந்து விட்டதென அது கூறியது.
அது, விமானம் காணாமல் போனதை அடுத்து நடந்ததை விவரிக்கும் ஓர் அறிக்கைதானே தவிர, எட்டு வாரங்களுக்குமுன் காணாமல்போன விமானம் பற்றிய பல கேள்விகளுக்கு அதில் விடை இல்லை.
விமானப் போக்குவரத்து வரலாற்றிலேயே மிகப் பெரிய தேடும்பணி மேற்கொள்ளப்பட்ட பின்னரும் எம்எச்370 காணாமல்போனது எப்படி என்பது புரியாத புதிராகவே உள்ளது.
மார்ச் 8ஆம் நாள் அதிகாலையில் விமானம் தீவகற்ப மலேசியாவைக் கடந்து மேற்கு நோக்கிப் பறப்பதை இராணுவ ரேடார் கண்டிருக்கிறது. ஆனால், ரேடாரை இயக்கிக் கொண்டிருந்தவர் அதை “நட்பு” விமானம் என்று கருதி மேற்கொண்டு நடவடிக்கை எடுக்காதிருந்து விட்டார் என்றும் அறிக்கை குறிப்பிட்டது.
அரசாங்கத்தின் விளக்க அறிக்கையா இது ??? நாறிப்போன குப்பை !!!
விளக்க அறிக்கை அல்ல. விளக்குமாறு அறிக்கை….
இதுலென்ன குழப்பம் வேண்டிக் கிடக்கு. விமானம் ராடார் கருவியில் இருந்து காணாமல் போனதும், அது கடலில் விழுந்து விட்டிருக்கும், விடிந்ததும் பார்த்துக்கலாம் என்று அவரவர் போர்வையை இறுக்கிப் போர்த்திக் கொண்டு தூங்கி இருப்பர். விமானப் படையோ, அவர்களின் ராடார் கருவியை கவனிக்காமலே தூங்கி விட்டனர். முதல் நாள் இரவு பதிவானா ராடார் தகவல்களை வைத்துக் கொண்டு, நாங்கள் பறக்கும் தட்டைப் பார்த்தோம் அனால் அது நட்புக்குரிய பறக்கும் தட்டு என்பதால் விரட்டிப் பிடிக்கவில்லை என்று சொல்லும் சாக்குப் போக்கு நன்றாகவே இருக்கின்றது.