ஹுடுட்  அமலாக்கத்தில்  பாஸ்  தொடர்ந்து  பிடிவாதமாக  இருந்தால், பக்காத்தான் ரக்யாட்  கூட்டணி  பலவீனமடையும்,   “அடுத்த  50 ஆண்டுகளுக்கு” அம்னோ  ஆட்சியை  அசைக்க முடியாது  என்று  எச்சரித்துள்ளார்  இஸ்லாமிய  மறுமலர்ச்சி  முன்னணி  இயக்குனர்  டாக்டர்  பாருக்  மூசா.

“நாட்டில்  ஆட்சிமாற்றத்துக்காக  கடுமையாக  பாடுபட்டு  வந்திருக்கிறோம். ஆனால்,  இந்த  ஒரு  விவகாரத்தால்  அம்னோதான்  அடுத்த  50 ஆண்டுகளுக்குத்  தொடர்ந்து  ஆளப்போகிறது”, என்று  பாருக்  நேற்று  ஹுடுட்  மீதான  கருத்தரங்கில்  உணர்ச்சிவசப்பட்டுப்  பேசினார்.

கிளந்தானில் ஹுடுட்  செயல்படுத்தப்படுவதை  ஆதரிப்பதாக  கூறி   அம்னோ  “தூண்டில்”  போடுகிறது  என்றும்  பாஸ்  அதற்குப் பலியாகக்  கூடாது  என்றும்  அவர்  எச்சரித்தார்.