ஹுடுட்  விவகாரத்தால்  பக்காத்தான்  ரக்யாட்டில்  ஏற்பட்டுள்ள  விரிசல்  விரிவடைந்து  வருவதைச்  சுட்டிக்காட்டி  அதைத்  தொடர்ந்து  வலியுறுத்துவதால்  பேராபாயம்   விளையலாம்  என  மேலும்  ஒரு  டிஏபி  தலைவர்  எச்சரித்துள்ளார்.

அம்னோ  விரித்துவைத்துள்ள  வலையில்  சிக்கிக்  கொள்ள  வேண்டாமென்று  பாஸுக்கு  எச்சரிக்கை  விடுத்த  சீபூத்தே  எம்பி,  தெரேசா  கொக்,  ஹுடுட்  விவகாரம்  தங்கள்  அரசியல்  எதிரியிடமுள்ள  ஒரு  சக்திவாய்ந்த  ஆயுதம்  என்றார்.

அவ்விவகாரத்தால்  மாற்றரசுக்  கூட்டணி  உடைந்துபோகும்  சாத்தியம்  உள்ளதைச்  சுட்டிய  அவர், அவ்வாறு  நிகழ்ந்தால் அது  சிறப்பான  மலேசியாவை  அமைக்கும்  மக்களின்  போராட்டத்துக்கு  ஒரு  பின்னடைவாக  அமையும்  என்றார்.