“இஸ்மா”  என்ற  பெயரை  முதல்முதலாகக்  கேள்விப்பட்டபோது அது  ஒரு  பாலியல்  நோய்  என்றுதான்  நினைத்தார் எஸ். வேள்பாரி.

“ஆனால், அது  அதைவிட  மோசமானது  என்பதை  இப்போது  தெரிந்துகொண்டேன்”, என்றாரவர்.

ஈக்காத்தான்  முஸ்லிமின்  மலேசியா  என்பதன்  சுருக்கமான  இஸ்மாவின் தலைவர்  அப்துல்லா  ஜைக்  அப்துல்லா,    அண்மையில்  சீனர்களைப்  கேவலமாக  பேசியது  பற்றிக்  கருத்துரைத்தபோது  மஇகா வியூக  இயக்குனர்  வேள்பாரி  இவ்வாறு  கூறினார்.

சீன  மலேசியர்களின்  முன்னோர்,  “மலாய்க்காரர்களை  ஒடுக்கி  வைப்பதில்  பிரிட்டிஷாருக்கு  உடந்தையாக  இருந்தனர்”  என்று  அப்துல்லா  கூறினார்.

வரலாற்றில்  நிகழ்ந்த இத்தவற்றைச்  சரிசெய்ய  வேண்டும்  என்றும் அவர்  வலியுறுத்தினார்.

“அவர்  மலாய்க்காரர்கள் ‘வரலாற்றில்  நிகழ்ந்த  தவற்றைச்  சரிசெய்ய  வேண்டும்’  என்று  வலியுறுத்தியதன்  பொருள்  என்ன? இரத்தம்  சிந்த  வேண்டும்  என்கிறாரா?  இஸ்மா  ஒரு பயங்கரவாத  அமைப்பா,  போலீஸ்  அவர்களைக்  கவனிக்கப்போவதில்லையா?”,  என்று  வேள்பாரி  வினவினார்.