இரண்டு- நாள்  திரெங்கானு  கிளர்ச்சி  முடிவுக்கு  வந்தது.  தவறாக  புரிந்துகொண்டதற்காக  பிரதமர்  நஜிப்  அப்துல்  ரசாக்  வருத்தம்  தெரிவித்ததை  அடுத்து  முன்னாள்  மந்திரி  புசார்  அஹ்மட்  சைட்,  அம்னோவிலிருந்து  விலகுவதாகக்  கொடுத்த  கடிதத்தைத்  திரும்பப்  பெற்றுக்க்கொண்டார்.

“தவறு  நேர்ந்துவிட்டதற்கு  அவர்  வருத்தம்  தெரிவித்தார்.  என்  செய்கைக்காக  நானும்  வருத்தம்  தெரிவித்துக்  கொண்டேன்”, என அஹ்மட் கெமாமானில்  அவரது  இல்லத்தில்  கூறினார்.

தம்  மகளின்  திருமணம்  தொடர்பில்  ஏற்பட்ட  தப்பான  புரிதலுக்காக  நஜிப்பைத்  தாம்  மன்னித்து  விட்டதாக  அவர்  சொன்னார்.

“நஜிப்  மே  10-இல்,  திருமணம்  முடிந்துவிட்டதாக  நினைத்து விட்டார். ஆனால்,  மே  17-இல்  ஓர்  உபசரிப்பு  இருக்கிறது,  31-இல்  கோலாலும்பூரில்  இன்னுமோர்  உபசரிப்பு  உள்ளது”,  என்றாரவர்.