ஒரு  திருமணத்தால்  திரெங்கானுவில்  அம்னோ  ஆட்சியே  பறிபோக  விருந்தது.  ஆனால்,  “கட்சிமீதுள்ள  பாசம்”  எல்லாத்  தப்பெண்ணங்களையும்  கலைந்து  விட்டது  எனப்  பிரதமர்  கூறினார்.

திரெங்கானு  அரசியல்  நெருக்கடிக்குத்  தீர்வு  காணப்பட்டிருப்பதால்,  நஜிப்  அப்துல்  ரசாக்  மே  17-இல்  கெமாமானில்  முன்னாள்  மந்திரி  புசார்  அஹ்மட்  சைட்டின்  புதல்வியின்  திருமண  உபசரிப்பில்  கலந்துகொள்ள  தடை  ஏதும்  இருக்காது.

எல்லாவற்றுக்கும்  தப்பான  புரிதலே  காரணம்  என்றாரவர்.

“மே  10ஆம்  தேதியே  எல்லாம்  முடிந்து  விட்டதாக  நினைத்தோம்.

“மே 17-இல்  இன்னொரு உபசரிப்பு  இருப்பது  எங்களுக்குத்  தெரியாது”,  என  அஸ்ட்ரோ அவானியிடம்  நஜிப்  தெரிவித்தார்.

எல்லாவற்றுக்கும்  தொடர்பில்  ஏற்பட்ட  பிரச்னைதான்  காரணம்  என்று  குறிப்பிட்ட  அவர்,  இப்போது  எல்லாம்  சரியாகிவிட்டது  என்றார்.