நேற்று  இரு கன்னித்துறவிகளைத்  தாக்கிக்  கடுமையாகக்  காயப்படுத்திய  கயவர்களை  அதிகாரிகள்  பிடிக்க  வேண்டும்  என்று  மசீச  இன்று  வலியுறுத்தியது.

சிரம்பான்  விசிடேஷன்  தேவாலயத்தில்  மூத்த  கன்னித்துறவிகள்  இருவர்  தாக்கப்பட்டதாகக்  கூறப்படும்  சம்பவத்தை  வருணிக்க  வார்த்தைகளே  இல்லை  என்று  மசீச  மகளிர்  உதவித்  தலைவர்  ஒங்  சொங்  ஸ்வென்  கூறினார்.

“போலீஸ்  எல்லா விதத்திலும்  முயன்று  அந்தக்  கோடூரக்  குற்றவாளிகளைப்  பிடிக்க  வேண்டும். அந்த  வட்டாரத்தில்  போலீஸ்  காவல்  சுற்றையும்  அதிகரிக்க  வேண்டும்”, என்றவர்  கேட்டுக்கொண்டார்.

தாக்கப்பட்ட  இருவரும்  கடும்  காயங்களுக்கு  ஆளானார்கள். ஒருவர்  மோசமான  நிலையில்  இருப்பதாகவும்  கூறப்படுகிறது.